Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty
Śpiecpasłańnik prezidenta ZŠA padčas vystupu ŭ Instytucie Makkiejna raskazaŭ, što razmaŭlaŭ z Łukašenkam nakont jaho admovy pryjechać na pasiadžeńnie Rady miru, piša Reform.news.
«Jon choča źniaćcia sankcyj, ale taksama jon choča być značnym hulcom. Jon znachodzicca va ŭładzie ŭžo 30 hadoŭ, bolš za 30, i, dumaju, jon choča być suśvietnym hulcom. Tamu my pra heta razmaŭlali. Jaho zaprasili na Radu miru. Jon nie pryjechaŭ. U nas była razmova na hety kont.
Voś jak ja jamu heta rastłumačyŭ. Ja skazaŭ: «Ja nie viedaju, jak uładkavana starejšaja škoła ŭ vašaj krainie, ale ŭ nas heta vyhladaje tak. Ty prychodziš na abied, i tam jość stoł dobrych chłopcaŭ. I dobryja chłopcy siadziać tam, jaduć, i ŭsie chočuć siadzieć za hetym stałom dobrych chłopcaŭ.
A jość stoł niaŭdačnikaŭ — i voś tam ty i znachodzišsia. Ty tam razam z Kubaj. Ty tam razam ź Iranam, ty tam razam ź Vieniesuełaj i inšymi. Pucina tam niama, bo jaho ŭvohule nie zaprasili ŭ škołu», — skazaŭ śpiecpasłańnik Trampa.
«Niadaŭna ja skazaŭ, što kali chočaš siadzieć za stałom dobrych chłopcaŭ, treba pačać pavodzić siabie jak narmalnaja kraina. Nielha rabić toje, što ty robiš ciapier. Nielha zapuskać šary, trymać u svajoj krainie hruzaviki. Usie hetym niezadavoleny», — pieradaje Kouł svaju razmovu z Łukašenkam.
Koŭł zajaviŭ, što Łukašenka stanovicca bližej da «stała dobrych chłopcaŭ», ale jamu jašče daloka da jaho. Jon ličyć, što Łukašenka vielmi spałochaŭsia dziejańniaŭ ZŠA ŭ Vieniesuele i Iranie.
«Tydni paŭtara tamu ja skazaŭ jamu: «Słuchaj, ty ciapier adziny, chto zastaŭsia za stałom drennych chłopcaŭ, tamu tabie lepš być aściarožnym. I ja sapraŭdy dumaju, što toje, što my zrabili ŭ Vieniesuele i toje, što my robim u Iranie, mocna jaho napałochała», — ličyć Koŭł.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ5
Kamientary
spadar Koŭł viedaje historyju, kramloŭskija palityčnyja zabojstvy: ŭschodni Turkistan - usio kiraŭnictva, Vahner toje samaje, 1979 - Prezident Afhanistana, etc. i z usimi achviarami, ŭ kramloŭskich lichadziejaŭ byli dobryja adnosiny