Мінскі абласны суд 23 жніўня разгледзіць справу аб ліквідацыі грамадскага аб’яднання «Беларуская асацыяцыя цыганоў «Рома». Пазоў падало Міністэрства юстыцыі, пасяджэнне з'явілася ў раскладзе суда.
Грамадскае абʼяднанне «Беларуская асацыяцыя цыганоў «Рома» зарэгістравалі ў Беларусі ў 1998 годзе. Паводле афіцыйных звестак, у Беларусі цяпер жыве каля 7 тысяч цыганоў — 0,1% ад усяго насельніцтва. Хоць насамрэч іх, відаць, куды больш. Віцэ-прэзідэнт Беларускай асацыяцыі цыганоў «Рома» Уладзімір Мацвееў у 2014 годзе называў лічбу ў 60 тысяч цыганоў, траціна з якіх жыве ў Гомельскай вобласці.
Гэта не першая цыганская арганізацыя, якую ліквідуюць сёлета ў Беларусі. 26 мая ўжо ліквідавалі «Ашмянскую цыганскую грамаду». Тое ж самае адбываецца і адносна арганізацый іншых нацыянальных і этнічных меншасцяў, якія патрапляюць пад хвалю суцэльнай ліквідацыі непадкантрольных дзяржаве структур грамадзянскай супольнасці.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну93
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары