Вярхоўны суд разгледзіць апеляцыю на прысуд па «справе Tut.by» 31 ліпеня
Суддзя Вярхоўнага суда Ігар Любавіцкі 31 ліпеня разгледзіць апеляцыю на прысуд па «справе Tut.by», вынікае з раскладу судовых пасяджэнняў. Судовае пасяджэнне будзе праходзіць у закрытым рэжыме, паведамляе «Люстэрка».
У спісе абвінавачаных пяць чалавек: генеральны дырэктар «Тут.бай медыя» Людміла Чэкіна, галоўны рэдактар Марына Золатава, юрысконсульт Кацярына Ткачэнка, супрацоўніцы рэдакцыі Алена Таўкачова і Вольга Лойка.
Марына Золатава і Людміла Чэкіна — адзіныя фігуранты «справы Tut.by», якія дагэтуль знаходзяцца за кратамі. Яны прызнаныя палітвязнямі. КДБ уключыў іх у спіс «асоб, якія маюць дачыненне да тэрарыстычнай дзейнасці».
Прысуд ім суд вынес 17 сакавіка гэтага года. Кожнай — 12 гадоў калоніі агульнага рэжыму.
Марыну Золатаву суддзя прызнала вінаватай у «распаўсюдзе матэрыялаў з публічнымі заклікамі да захопу дзяржаўнай улады, гвалтоўнай змене канстытуцыйнага ладу, заклікамі, звернутымі да замежных дзяржаў, замежных і міжнародных арганізацый, да дзеянняў на шкоду нацыянальнай бяспецы Рэспублікі Беларусь, учыненых з выкарыстаннем сродкаў масавай інфармацыі і сеткі інтэрнэт» і «наўмысных дзеяннях, накіраваных на ўзбуджэнне сацыяльнай варожасці і варожасці з прыкметы іншай сацыяльнай прыналежнасці, учыненых групай асоб».
Людмілу Чэкіну прызналі вінаватай ва «ўхіленні ад выплаты падаткаў», а таксама ў «арганізацыі распаўсюджвання матэрыялаў з публічнымі заклікамі да захопу дзяржаўнай улады, гвалтоўнага змянення канстытуцыйнага ладу, заклікамі, звернутымі да замежных дзяржаў, замежных і міжнародных арганізацый, да дзеянняў на шкоду нацыянальнай бяспецы Рэспублікі Беларусь, учыненых з выкарыстаннем сродкаў масавай інфармацыі і сеткі інтэрнэт» і «арганізацыі дзеянняў, накіраваных на ўзбуджэнне сацыяльнай варожасці і варожасці з прыкметы іншай сацыяльнай прыналежнасці, учыненых групай асоб».
Агулам разгляд крымінальнай справы заняў амаль два месяцы, прайшло 37 пасяджэнняў.
Алену Таўкачову, Вольгу Лойку і Кацярыну Ткачэнка абвясцілі ў вышук пасля таго, як яны не з'явіліся ў суд.
Пагром Tut.by адбыўся 18 мая 2021 года, калі сілавікі прыйшлі дадому да некаторых супрацоўнікаў кампаніі і прадстаўнікоў партнёрскіх арганізацый, а таксама ў офісы партала ў Мінску і абласных цэнтрах. Тады былі затрыманыя 15 чалавек. У красавіку 2023 года стала вядома, што памілавалі дзевяцярых фігурантаў «справы», якія праходзілі па артыкуле за дапамаганне ў нявыплаце падаткаў.
Дачка Марыны Золатавай пра прысуд: Хтосьці за надуманую справу атрымае зорачку на пагоны. А мая матуля нязломная
«Не за гарамі той час, калі беларусы змогуць жыць шчасліва». Марына Золатава напісала ліст з турмы
13 ліпеня быў 50-гадовы юбілей у Людмілы Чэкінай — асуджанай на 12 гадоў гендырэктаркі Tut.by
Цяпер чытаюць
Як склаўся лёс інтэрнацыянальных дзяцей, якіх выхоўвалі ў Жодзіне ў першым у Беларусі дзіцячым доме сямейнага тыпу?5
Каментары