Грамадства1717

Золатава і Чэкіна — 12 гадоў калоніі. На прысудзе суддзя Валянціна Зянькевіч трымала іх у кайданках 

Сёння быў вынесены прысуд галоўнаму рэдактару Tut.by Марыне Золатавай і гендырэктару Людміле Чэкінай.

Фота: Мінская праўда

Чэкінай далі таксама штраф у 37 тысяч рублёў (тысяча базавых велічынь).

Суд па справе Tut.by пачаўся 9 студзеня і праходзіў у закрытым рэжыме. Абвінавачванымі па ім праходзілі пяць былых работнікаў ТАА «Тут бай медыя»: дырэктар Людміла Чэкіна, галоўны рэдактар Марына Золатава, рэдактар аддзела эканомікі і палітыкі Вольга Лойка, карэспандэнт Алена Таўкачова і юрысконсульт Кацярына Ткачэнка. 

Перад судом Таўкачова, Лойка і Ткачэнка выехалі за мяжу. Іх абвясцілі ў вышук, а крымінальную справу ў дачыненні да іх выдзелілі ў асобную вытворчасць.

Людміле Чэкінай былі інкрымінаваныя «ўхіленне ад выплаты падаткаў, арганізацыя распальвання сацыяльнай варожасці і варажнечы, а таксама распаўсюд матэрыялаў з заклікамі да дзеянняў, накіраваных на прычыненне шкоды нацыянальнай бяспецы Беларусі».

Фота: БелТА

Марына Золатава абвінавачвалася ў «дапамозе ва ўхіленні ад выплаты падаткаў, распальванні сацыяльнай варожасці і варажнечы, распаўсюдзе матэрыялаў з заклікамі да дзеянняў, накіраваных на прычыненне шкоды нацыянальнай бяспецы Беларусі».

Фота: БелТА

Напярэдадні прысуду БТ выпусціла прапагандысцкі фільм пра Tut.by. Супрацоўнікаў партала абвінавацілі ў русафобстве, нагнятанні сітуацыі ў Беларусі ў часе пратэстаў, распальванні варожасці і ўхіленні ад выплаты падаткаў. У сюжэце выкарыстаны інтэрв’ю супрацоўнікаў, якія ў той момант знаходзіліся ў няволі і фактычна былі закладнікамі. У амаль паўтарагадзінным відэа няма ні слова Людмілы Чэкінай і толькі адна цытата Марыны Золатавай, хутчэй за ўсё выразаная з запісаў следчых дзеянняў, дзе яна заяўляе, што партал заўжды трымаўся журналісцкіх стандартаў.

Золатава і Чэкіна прызнаныя палітвязнямі. КДБ уключыў іх у спіс «асоб, якія маюць дачыненне да тэрарыстычнай дзейнасці».

Разгром Tut.by адбыўся раніцай 18 мая 2021 года, калі сілавікі прыйшлі дадому да некаторых супрацоўнікаў кампаніі і прадстаўнікоў партнёрскіх арганізацый, а таксама ў офісы ў Мінску і абласных цэнтрах.

У той дзень затрымалі 15 чалавек. Але з таго часу большасць фігурантак была вызвалена з-пад варты.

Суддзёй на працэсе выступала Валянціна Зянькевіч. Роля суддзяў на палітычных працэсах чыста намінальная: на тысячах судоў не было ніводнага апраўдальнага прысуду. Тым не менш, Валянціна Зяньковіч здолела праявіць сябе: на час прысуду Золатавай і Чэкінай не знялі з рук кайданкоў.

Каментары17

  • Ответ
    17.03.2023
    Ещё один ответ на письмо Середича.....
  • Боится
    17.03.2023
    Эта, дурная власть боится женщин и детей!
  • Жанна Львовна
    17.03.2023
    Ответ, кому он хочет чтото показать, одевая на этих милых женщин за решеткой наручники.

Цяпер чытаюць

Ізраільскі авіяўдар перарваў эфір дзяржтэлерадыё Ірана. Штаб-кватэра ТВ знішчаная ВІДЭА19

Ізраільскі авіяўдар перарваў эфір дзяржтэлерадыё Ірана. Штаб-кватэра ТВ знішчаная ВІДЭА

Усе навіны →
Усе навіны

На канферэнцыі Reshape 2025 абурыліся «тысячамі канферэнцый», абвінавацілі Ціханоўскую ў дыктатуры і ацанілі вынікі 5 гадоў у эміграцыі28

«Тое, што Ізраіль зрабіў з Іранам, — гэта тое, што Расія хацела зрабіць з Украінай»18

Жанчына злавіла на Прыпяці гіганцкага таўсталобіка. Яго вага — каля 60 кг1

Дзяўчынцы з Польшчы, ахвяраваць грошы якой заклікаў беларус, сабралі патрэбную суму1

Пяць фактаў пра новага прэс-сакратара МЗС, які хамаватасцю косіць пад Марыю Захараву10

Міністр абароны Ізраіля прыгразіў, што жыхары Тэгерана хутка заплацяць за іранскія атакі на жылыя кварталы2

Як даведацца, ці апырсквалі клубніцы: адзін просты спосаб раскрые праўду4

Беларусы могуць адмовіцца ад некаторых камунальных паслуг3

«Жалезная заслона вакол нашай краіны». Беларусам усё цяжэй атрымаць польскія візы25

больш чытаных навін
больш лайканых навін

Ізраільскі авіяўдар перарваў эфір дзяржтэлерадыё Ірана. Штаб-кватэра ТВ знішчаная ВІДЭА19

Ізраільскі авіяўдар перарваў эфір дзяржтэлерадыё Ірана. Штаб-кватэра ТВ знішчаная ВІДЭА

Галоўнае
Усе навіны →

Заўвага:

 

 

 

 

Закрыць Паведаміць