У Вярхоўную Раду Украіны ўнеслі законапраект аб прызнанні Беларусі краінай-агрэсарам
Пра рэгістрацыю ў Вярхоўнай Радзе законапраекта аб прызнанні Беларусі краінай-агрэсарам паведаміў дэпутат Яраслаў Юрчышын. Паводле яго, гэта было зроблена 16 чэрвеня.
«З пачатку поўнамаштабнай агрэсіі Расіі наша краіна кожны дзень падвяргаецца нападам. Адказнасць павінна несці і краіна, з тэрыторыі якой расійская агрэсія ажыццяўляецца, — Рэспубліка Беларусь», — заявіў дэпутат Юрчышын.
Дэпутат сцвярджае, што Украіна цэніць дапамогу палка Каліноўскага, але Беларусь павінна несці і юрыдычную адказнасць за злачынствы.
«Беларусь як краіна павінна несці юрыдычную адказнасць за злачынствы, учыненыя на нашай тэрыторыі. Урэшце, у свядомасці грамадства Беларусь Лукашэнкі ўжо даўно агрэсар. Трэба даказаць гэта і ў юрыдычнай плоскасці. Каб свет не сумняваўся, уводзячы санкцыі», — заявіў Юрчышын.
Сярод іншага Юрчышын згадвае пра нядаўна выказанае пажаданне валанцёра і палітыка Сяргея Прытулы, каб пасля перамогі Украіны ў вайне накласці рэпарацыі на беларускае грамадства за злачынствы рэжыму Лукашэнкі. Законапраект патрэбны ў тым ліку і «для прыцягнення беларускага рэжыму да адказнасці і будучых рэпарацый Украіне».
Ціханоўская не выключае, што папросіць дапамогі асабіста ў Зяленскага ў ваенным вызваленні Беларусі
«Калі шалёны дыктатар аддасць загад — кідайце зброю. Інакш адзінае, што вас чакае, — гэта смерць». На ўкраінска-беларускай мяжы прагучаў зварот палка Каліноўскага да беларускіх вайскоўцаў
Кавалеўскі расказаў, пра што гаварыў з Падаляком
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі3
Каментары