Супрацоўніца «Белпошты» скрала 490 тысяч рублёў. Прычым яна працавала няпоўны месяц
Бабруйскім міжраённым аддзелам Следчага камітэта расследуецца крымінальная справа аб крадзяжы шляхам злоўжывання службовымі паўнамоцтвамі ў асабліва буйным памеры.
У красавіку 2023 года 30-гадовая жанчына была часова прызначаная на пасаду начальніцы аддзялення паштовай сувязі, паведамляе СК.
Скарыстаўшыся адсутнасцю асноўнага кіраўніка і разлічваючы, што ў выхадныя дні служба ўнутранага кантролю не адсочвае рух грашовых сродкаў, жанчына на працягу некалькіх дзён пералічвала на сваю банкаўскую карту грошы, якія належаць прадпрыемству. У выніку чаго прычыніла шкоду на суму каля 490 тысяч рублёў.
Падчас допыту яна распавяла следчаму, што грошы пералічвала на біржу, дзе гуляла з канца сакавіка, аднак потым «сышла ў мінус». Каб аднавіць свой рэйтынг, жанчына вырашыла пракруціць афёру і скарыстацца грашыма прадпрыемства, на якім працяглы час працавала.
Маючы доступ да разліковага рахунку прадпрыемства, жанчына ажыццявіла некалькі грашовых пераводаў на сваю банкаўскую карту, што і было выяўлена кіраўніцтвам прадпрыемства. Яны адразу ж паведамілі пра здарэнне ў міліцыю.
У цяперашні час 30-гадовай жыхарцы Бабруйска прад'яўленае абвінавачванне па ч. 4 арт. 210 (крадзеж шляхам злоўжывання службовымі паўнамоцтвамі, здзейснены ў асабліва буйным памеры).
Дзяўчына змешчаная пад варту. На яе маёмасць накладзены арышт.
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў29
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары