Пагражалі адрэзаць валасы, акуналі ў халодную ваду, здзекаваліся — у Мінску судзілі двух школьнікаў
Суд вынес прысуд двум 15-гадовым прыяцелям, якіх абвінавачвалі ў здзяйсненні асабліва злоснага хуліганства, паведамляюць Мінск-навіны.
У адзін з кастрычніцкіх дзён 2022 года два сябры сустрэліся з кампаніяй ля водаканала, што ў раёне вуліц Сядых і Карбышава. Там быў незнаёмы ім раней доўгавалосы юнак. З дыялогу хлопцаў таварышы зразумелі, што новы знаёмы нібыта згубіў парагенератар, таму вырашылі яго правучыць.
Доўгавалосага хлопца, якому на той момант было ўсяго 13 гадоў, паставілі на калені і запатрабавалі выбачэнняў. Адзін з сяброў дастаў складаны нож і стаў пагражаць яму адрэзаць валасы, а пасля разбіў пляшку, якая ляжала на асфальце, і «ружачкай» замахнуўся ў бок спалоханага школьніка.
Крыўдзіцелі абмяркоўвалі, як можна яго правучыць. У выніку вырашылі, што падлетак павінен зайсці ў вопратцы ў халодную ваду і акунуць у яе галаву. Сябрукі ўзялі яго пад рукі і павялі да вадаёма. Там юнак пад пагрозамі зняў красоўкі і, як таго патрабавалі зламыснікі, зайшоў у ваду і намачыў валасы.
Жанчыны, якія праходзілі міма, зрабілі кампаніі заўвагу — таварышы спалохаліся і кінуліся наўцёкі, а школьнік у мокрай вопратцы паспяшаўся дадому. Па дарозе хлопец патэлефанаваў бацьку і распавёў пра здарэнне. Пасля бацькі звярнуліся ў міліцыю.
Суд прызначыў маладзёнам пакаранне за асабліва злоснае хуліганства ў выглядзе пазбаўлення волі на тэрмін 3 гады кожнаму. Але была прымененая адтэрміноўка на два гады.
Чытаць таксама:
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары