Было тры выбухі, утварылася варонка два з паловай метры — новыя падрабязнасці здарэння ў Бранскай вобласці
Спецслужбы ўжо вызначылі прыкметы падазраванага ў дачыненні да падрыву чыгуначнага палатна ў Бранскай вобласці і нават ужо склалі яго фотаробат.
Выбухоўка на чыгуначных рэйках у Бранскай вобласці была ўсталяваная ў трох месцах — на цягніку было выяўлена тры месцы кантакту. Магутнасць асноўнага выбуху склала 10 кг у тратылавым эквіваленце. Два іншыя былі магутнасцю прыкладна па 200 грам у тратылавым эквіваленце, паведамляе Baza.
За 100 метраў ад выбуху былі знойдзеныя два недакуркі, два пачкі ад цыгарэт, пустая бляшанка з-пад піва і ўпакоўка ад супу хуткага прыгатавання «Ролтан». Таксама там ляжалі фрагмент абгарэлай электраправодкі і медныя фрагменты дратоў.
У выніку выбуху была разбурана частка рэйкаў каля 6 метраў і 4 бетонныя шпалы. Таксама на месцы ўтварылася варонка каля 2,5 метра глыбінёй і каля 1,5 метра дыяметрам. Акрамя таго, сышлі з рэек двухсекцыйны цеплавоз і 5 вагонаў (колькасць вагонаў адрозніваецца ў розных крыніцах). Цеплавоз і 4 вагоны, паводле «Базы», згарэлі. Выцекла 12 тон дызельнага паліва.
Крыніцы «Базы» сцвярджаюць, што спецслужбы вызначылі прыкметы падазраванага ў дачыненні да падрыву чыгуначнага палатна ў Бранскай вобласці і нават ужо склалі яго фотаробат.
Гэта мужчына, апрануты ў чорнае, прыблізна сарака гадоў, ростам каля 170 сантыметраў. Пры ім быў чорны заплечнік, перасоўваўся падазраваны на ровары.
Чытаць таксама:
У Бранскай вобласці цягнік пусцілі пад адхон. Выглядае, што згарэў беларускі цеплавоз
Цяпер чытаюць
Беларус раптоўна і без дай прычыны знік у 2006 годзе, а праз 19 гадоў знайшоўся ў вёсцы пад Смаленскам3
Каментары