Było try vybuchi, utvaryłasia varonka dva z pałovaj mietry — novyja padrabiaznaści zdareńnia ŭ Branskaj vobłaści
Śpiecsłužby ŭžo vyznačyli prykmiety padazravanaha ŭ dačynieńni da padryvu čyhunačnaha pałatna ŭ Branskaj vobłaści i navat užo skłali jaho fotarobat.
Vybuchoŭka na čyhunačnych rejkach u Branskaj vobłaści była ŭstalavanaja ŭ troch miescach — na ciahniku było vyjaŭlena try miescy kantaktu. Mahutnaść asnoŭnaha vybuchu skłała 10 kh u tratyłavym ekvivalencie. Dva inšyja byli mahutnaściu prykładna pa 200 hram u tratyłavym ekvivalencie, paviedamlaje Baza.
Za 100 mietraŭ ad vybuchu byli znojdzienyja dva niedakurki, dva pački ad cyharet, pustaja blašanka z-pad piva i ŭpakoŭka ad supu chutkaha pryhatavańnia «Rołtan». Taksama tam lažali frahmient abharełaj elektrapravodki i miednyja frahmienty dratoŭ.
U vyniku vybuchu była razburana častka rejkaŭ kala 6 mietraŭ i 4 bietonnyja špały. Taksama na miescy ŭtvaryłasia varonka kala 2,5 mietra hłybinioj i kala 1,5 mietra dyjamietram. Akramia taho, syšli z rejek dvuchsiekcyjny ciepłavoz i 5 vahonaŭ (kolkaść vahonaŭ adroźnivajecca ŭ roznych krynicach). Ciepłavoz i 4 vahony, pavodle «Bazy», zhareli. Vyciekła 12 ton dyzielnaha paliva.
Krynicy «Bazy» śćviardžajuć, što śpiecsłužby vyznačyli prykmiety padazravanaha ŭ dačynieńni da padryvu čyhunačnaha pałatna ŭ Branskaj vobłaści i navat užo skłali jaho fotarobat.
Heta mužčyna, apranuty ŭ čornaje, pryblizna saraka hadoŭ, rostam kala 170 santymietraŭ. Pry im byŭ čorny zaplečnik, pierasoŭvaŭsia padazravany na rovary.
Čytać taksama:
U Branskaj vobłaści ciahnik puścili pad adchon. Vyhladaje, što zhareŭ biełaruski ciepłavoz
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary