Kiraŭniki Homielskaj i Branskaj abłaściej abmierkavali zdareńnie ź ciahnikom BČ
Staršynia Homielskaha abłvykankama Ivan Krupko i hubiernatar Branskaj vobłaści Alaksandr Bahamaz pa telefonie abmierkavali padrabiaznaści zdareńnia na čyhunačnym pierahonie Unieča — Rasucha. Ab hetym piša Telegram-kanał «Homielščyna aficyjna».
Jak adznačyŭ hubiernatar Branskaj vobłaści, homielski ekipaž nie paciarpieŭ, jon u poŭnym paradku. Viernucca hamialčanie dadomu paśla praviadzieńnia śledčych mierapryjemstvaŭ. Jak havorycca ŭ paviedamleńni, heta zdarycca «zusim chutka».
Ivan Krupko vykazaŭ hatoŭnaść akazać lubuju dapamohu, nieabchodnuju dla rasśledavańnia.
1 maja ŭ 10:17 na 136-m km pierahona Unieča — Rasucha za 50 m ad hruzavoha pojezda numar 2528 Biełaruskaj čyhunki spracavała nieŭstanoŭlenaje vybuchovaje prystasavańnie. «Ciahnik numar 2528 u składzie 78 vahonaŭ adpraviŭsia sa stancyi Homiel na stancyju Bransk. Z-za vybuchu syšło z rejek 8 vahonaŭ. Łakamatyŭnaja bryhada nie paciarpieła», — prainfarmavali ŭ Ministerstvie transpartu i kamunikacyj Biełarusi.
Ruch ciahnikoŭ na pierahonie Unieča — Rasucha ŭ Branskaj vobłaści, prypynieny paśla vybuchu, adnavili ŭ 04:53 pa maskoŭskim časie, paviedamlaje telehram-kanał RŽD.
U likvidacyi nastupstvaŭ zdareńnia ŭdzielničali 300 čyhunačnikaŭ i try ciahniki. Usiaho było adramantavana kala 100 mietraŭ čyhunačnaha pałatna.
U lipieni 2022 hoda ŭ Branskaj vobłaści byŭ taksama paškodžany vybucham biełaruski łakamatyŭ. Tady nichto nie paciarpieŭ, było vybita škło ŭ kabinie mašynista. Pra zatrymańnie vinavatych nieviadoma.
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary