Mintranspartu paviedamiła detali vybuchu na čyhuncy ŭ Branskaj vobłaści, dzie była biełaruskaja bryhada
U Branskaj vobłaści siońnia pad adchon puścili ciahnik, jaki pieravoziŭ naftapradukty i piłamateryjały. U jaho pierahonie ŭdzielničała i łakamatyŭnaja bryhada homielskaha depo. Ministerstva transpartu paviedamiła niekatoryja detali.
Mintranspartu paviedamiła, što siońnia a 10-j ranicy na 136 km pierahonu Unieča-Rasucha za 50 m ad hruzavoha ciahnika №2528 farmavańnia Biełaruskaj čyhunki spracavała niavyznačanaje vybuchovaje prystasavańnie.
«Ciahnik №2528 adpraviŭsia sa stancyi Homiel pryznačeńniem na stancyju Bransk.
U składzie ciahnika było 78 vahonaŭ. U vyniku vybuchu syšli z rejek 8 vahonaŭ», — kaža aficyjnaja zajava.
Pa słovach Mintransa, łakamatyŭnaja bryhada nie paciarpieła.
Na miescy zdareńnia pracuje pažarny ciahnik stancyi Unieča Maskoŭskaj čyhunki. Taksama dla akazańnia dapamohi pryznačany adnaŭlenčy ciahnik.
Dla ŭdziełu ŭ rasśledavańni na miesca zdareńnia vyjechali pradstaŭniki homielskaha adździaleńnia Biełaruskaj čyhunki.
Razam z tym, supolnaść čyhunačnikaŭ ličyć, što biełaruskaja bryhada mahła paciarpieć.
«Uličvajučy paškodžańni ciepłavoza, atrymanyja ŭ vyniku vybuchu, a taksama poŭnuju adsutnaść u kabinie mašynista jakich-niebudź traŭmavyklučalnych techničnych rašeńniaŭ, možna padvierhnuć sumnievu zajavy rasijskich pradstaŭnikoŭ ułady ab adsutnaści paciarpiełych u vyniku hetaha incydentu», — pisali jany raniej.
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam21
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary