Litva paprosić Łukašenku viarnuć hruzaviki, jakija zachraśli ŭ Biełarusi, ale miažu nie adkryje
«Siońnia vyrašana źviarnucca da Biełarusi, kab damovicca pra viartańnie litoŭskich hruzavikoŭ dadomu», — skazała premjer-ministarka Inha Ruhinienie paśla pasiadžeńnia ŭrada 5 listapada, piša LRT.
Pa acenačnych źviestkach, u Biełarusi akazalisia zabłakavanyja kala 5 tysiač litoŭskich hruzavikoŭ i paŭpryčepaŭ.
«Praces užo idzie, pieramovy viaducca, pahladzim, jakim budzie vynik. My prykładziem usie namahańni, kab litoŭskija hruzaviki viarnulisia dadomu. Ale sama miaža zastaniecca zakrytaj», — zajaviła premjer-ministarka.
Litva taksama choča pavialičyć prapusknuju zdolnaść punkta propusku Miedniki, jaki častkova pracuje, paviedamiŭ ministr unutranych spraŭ Uładzisłaŭ Kandratovič.
«Ale z boku Biełarusi jość abmiežavańni, jakija nie dazvalajuć mašynam ruchacca pa ich terytoryi. Tamu budziem šukać rašeńni», — zajaviŭ ministr.
Raniej biełaruskija ŭłady zabaranili hruzavikam z numarami Jeŭrasajuza pieramiaščacca pa krainie, a litoŭskim — vyjazdžać praź inšyja miežy, akramia zakrytaj biełaruska-litoŭskaj.
Pa słovach Kandratoviča, praź Miedniki možna prapuskać kala 200 fur u sutki, ale biełaruski bok prapuściŭ «tolki kala 34 litoŭskich hruzavikoŭ», u čym ministr bačyć «svajho rodu sabataž» z boku RB.
«Usie prymiežnyja parkoŭki zabityja furami ź litoŭskimi numarami». Łukašenka ŭvioŭ dadatkovyja abmiežavańni dla litoŭskich pieravozčykaŭ
Litoŭskim hruzavikam zabaranili vyjazdžać ź Biełarusi praz Łatviju i Polšču
Sotni litoŭskich fur zachraśli ŭ Biełarusi — transpartniki Litvy zaklikajuć urad terminova šukać vyjście
U MZS zajavili, što Litva zakryła miažu ź Biełaruśsiu, bo choča hrošaj ad ES
Naŭsieda pra reakcyju Łukašenki: Chočacca, kab jašče macniej prypiakło
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary
Za tie hruzoviki jeŝio vykup pridietsia płatiť.