Sotni litoŭskich fur zachraśli ŭ Biełarusi — transpartniki Litvy zaklikajuć urad terminova šukać vyjście
Paśla taho jak Litva 29 kastryčnika na miesiac zakryła miažu ź Biełaruśsiu, niekalki sotniaŭ hruzavikoŭ litoŭskich transpartnych kampanij nie mohuć viarnucca ŭ krainu. U suviazi z hetym Nacyjanalnaja asacyjacyja aŭtapieravozčykaŭ «Linava» źviarnułasia da ŭrada z zaklikam terminova sumiesna z pradstaŭnikami biźniesu šukać vyjście sa składanaj situacyi, piša LRT.
Pa słovach pradstaŭnikoŭ asacyjacyi, častka pieravozčykaŭ vymušana viartacca praz Łatviju ci Polšču, adnak i na pamiežnych punktach hetych krain utvarylisia vializnyja čerhi, z-za čaho niekatoryja hruzaviki nie mohuć prajechać i tam, paviedamiła «Linava».
Hienieralny sakratar asacyjacyi Narunas Raŭlinajcis zajaviŭ, što situacyja krytyčnaja — častka kiroŭcaŭ vymušana šukać abjaznyja šlachi, što pavialičvaje vydatki i parušaje łancužki pastavak.
Akramia taho, kiroŭcy hadzinami čakajuć bieź jasnaj infarmacyi, niekatoryja ź ich sutykajucca z prablemami zabieśpiačeńnia i adpačynku.
«Akramia taho, dziasiatki transpartnych srodkaŭ ciapier nie mohuć vyjechać praz łatvijskija abo polskija punkty propusku, tamu što jany ŭžo byli aformleny z boku Biełarusi, ale paśla zakryćcia miažy im nie dazvolili viarnucca ŭ Litvu. Takaja situacyja vyklikaje surjoznyja pytańni adnosna pravoŭ kiroŭcaŭ», — zajaviŭ Raŭlinajcis.
Pavodle jaho słoŭ, ułady pavinny nieadkładna raspačać dziejańni.
«My prosim urad terminova pravieści naradu z pradstaŭnikami transpartnaha siektaru, kab znajści rašeńnie pa viartańni transpartnych srodkaŭ pieravozčykaŭ u Litvu i zabiaśpiečyć dalejšy ruch hruzaŭ», — zajaviŭ kiraŭnik asacyjacyi.
Ciapier čytajuć
Łukašenka: Raman Pratasievič — daŭni supracoŭnik biełaruskaj raźviedki32
Kamientary
U čym prablema? Kamientatary tut raili dabiracca inšymi šlachami: praz Turcyju na samalocie i hetak dalej. Niachaj litoŭskija aŭtapieravozčyki skarystajucca hetymi paradami.
(Ci takija maršruty tolki rodzičam biełaruskich palitviaźniaŭ i biełaruskim studentam kamientatary rajać, a litoŭskim pieravozčykam takoje raić nielha? )
Vuń i Naŭsieda kazaŭ - pavinna być mocna bolna Biełarusi. Nu. A vy čaho hałosicie?