Ministr zamiežnych spraŭ Kiastucis Budrys zajaviŭ, što Litva ŭžo nakiravała Jeŭrapiejskaj kamisii prapanovy ab uviadzieńni novych sankcyj suprać Biełarusi. Kraina damahajecca novych mier u adkaz na pahrozy, stvoranyja kantrabandnymi mietearałahičnymi šarami, jakija prylatajuć z terytoryi Biełarusi, piša LRT.
Pa słovach ministra, prapanovy ŭklučajuć jak idei, datyčnyja tak zvanaha sankcyjnaha režymu (uviadzieńnia abmiežavańniaŭ), tak i kankretnych asob, suprać jakich hetyja sankcyi mahli b być prymienieny.
«Litva ŭžo pradstaviła Jeŭrapiejskaj kamisii svaje prapanovy ab dalejšym raźvićci situacyi», — skazaŭ Budrys u efiry radyjostancyi Žinių radijas u čaćvier.
«Spadziajusia, što da nastupnaha pasiadžeńnia Savieta ES (jano adbudziecca ŭ kancy listapada) u nas budzie dasiahnuty prahres», — dadaŭ jon.
Pa słovach kiraŭnika litoŭskaj dypłamatyi, važna, kab novyja sankcyi mieli dakładnaje pravavoje abhruntavańnie, bo mnohija rašeńni ES pa abmiežavalnych mierach časta abskardžvajucca ŭ sudach.
«Litva viedaje, jak heta rabić, i my imkniomsia da taho, kab usio było zroblena naležnym čynam», — padkreśliŭ ministr.
U kancy kastryčnika z-za mietearałahičnych šaroŭ, jakija vykarystoŭvajucca dla transparciroŭki kantrabandnych cyharet, u Litvie čatyry razy časova zakryvalisia aeraporty.
U adkaz na heta Litva zakryła dva pamiežnych punktaŭ ź Biełaruśsiu.
Ciapier čytajuć
Jak u halečy śpivałasia radnia Łukašenki? Małaviadomyja fakty49
Kamientary
Heta absalutnaja pieramoha biesa pucina i intaresaŭ rasiei ŭ Biełarusi.
Absurd u tym, što realizuje hetuju palityku nie sama rasieja svajemi rukami, a Zachad...