Novaziełandskija žančyny-pažarnyja vypuścili svoj pieršy eratyčny kalandar
Upieršyniu ŭ Novaj Ziełandyi vypuščany kalandar, jaki całkam pryśviečany žančynam-ratavalnicam, kab sabrać srodki na daśledavańni raku małočnaj załozy.
Trynaccać žančyn ź dzieviaci pažarnych stancyj troch haradoŭ Novaj Ziełandyi ŭziali ŭdzieł u stvareńni kalendara Wahine Toa Firefighter Calendar na 2026 hod.
«Chłopcy zaŭsiody mieli svoj kalandar, i my padumali: a čamu b i nam nie? — raskazała Nikol Koch, pažarnaja i arhanizatarka prajektu, u intervju vydańniu Stuff. — My šmat pracujem i surjozna stavimsia da svajoj pracy, tamu heta byŭ šaniec zrabić niešta viasiołaje i adnačasova sabrać hrošy na važnuju spravu».
Arhanizatary spadziavalisia pradać 5000 adzinak kalendara, ale pieršaja partyja była całkam raskuplenaja za 26 hadzin, što pryniesła kala 50 tysiač jeŭra na daśledavańni raku małočnaj załozy. Adkryty druhi papiaredni zakaz, jaki budzie doŭžycca da 10 listapada.
Adnoj z prablem pry stvareńni kalendara było znajści pravilny ton.
«Doŭhi čas pytańnie było ŭ tym, jak ušanavać siłu i žanockaść, nie budučy praźmierna sieksualizavanymi, — padzialiłasia Nikol Koch. — Ciapier samy čas pakazać, što my možam z honaram spałučać i našu prafiesiju, i našu žanockaść, padtrymlivajučy pry hetym važnuju spravu».
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary