«Ja adrazaŭ ludziam hałovy». U Minsku pjančuha chvaliŭsia ŭdziełam u vajnie va Ukrainie i z nažom kinuŭsia na naviedvalnika kafe
34‑hadovy mužčyna ledźvie ŭratavaŭsia ŭ minskim kafe ad napadnika z nažom, jaki pahražaŭ adrezać hałavu.
34‑hadovy minčuk zajšoŭ paabiedać u kafe na praśpiekcie Rakasoŭskaha. Vyvučajučy mieniu, jon pačuŭ, jak adzin vidavočna pjany naviedvalnik niecenzurna vyražajecca ŭ jaho adras, ale praihnaravaŭ heta. Dalej nieznajomiec prapanavaŭ vyjści na vulicu pahavaryć, i ŭ hety momant mužčyna ŭbačyŭ, što ŭ nieznajomca na pojasie visić nož u nožnach, a pad remień zasunuć pradmiet, padobny da pistaleta. Jon spałochaŭsia i prapanavaŭ pahavaryć za stolikam, raskazvaje «Minsk-naviny».
Pjany chłopiec pahadziŭsia i staŭ raspaviadać, što ŭdzielničaŭ u «śpiecapieracyi» na terytoryi Ukrainy i adrazaŭ ludziam hałovy.
Raptam jon vychapiŭ nož i pačaŭ pahražać minčuku, razmachvajučy im kala jaho tvaru i patrabujučy vyjści na vulicu. Mužčyna, sprabujučy zachoŭvać spakoj, pahadziŭsia, ale pry ŭmovie, što złamyśnik vykinie nož u śmietnicu.
Kala ŭvachodu ŭ kafe jon znoŭ staŭ pahražać minčuku raspravaj i raptam viarnuŭsia ŭ kafe — vierahodna, kab zabrać nož. Skarystaŭšysia momantam, minčuk sieŭ u svoj aŭtamabil i pazvaniŭ u milicyju.
29‑hadovaha chłopca zatrymali.
— Abvinavačany raniej da kryminalnaj adkaznaści nie pryciahvaŭsia, — raskazaŭ namieśnik prakurora Leninskaha rajona Alaksandr Mazanik.
Chłopca vinavaciać u asabliva złosnym chulihanstvie.
Ci sapraŭdy jon udzielničaŭ u vajnie va Ukrainie, vydańnie nie ŭdakładniaje, ale i nie abviarhaje.
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»9
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary
Ukraincy vnimatielno vsie provieriat.