Marta Navrockaja, žonka prezidenta Polščy Karala Naŭrockaha, u 39 hadoŭ aficyjna pajšła na piensiju. Jana sama skazała pra heta ŭ intervju dla časopisa Viva!, adznačyŭšy: «Razumieju, jak heta hučyć», piša Business Insider.
Da taho, jak stać pieršaj łedzi Polščy, Marta Naŭrockaja 18 hadoŭ pracavała ŭ Mytnaj słužbie i Nacyjanalnaj padatkovaj administracyi na pasadzie małodšaha ekśpierta. Svaju adstaŭku jana rastłumačyła žadańniem całkam pryśviacić siabie novym abaviazkam — roli pieršaj łedzi.
Jašče da inaŭhuracyi muža jana brała adpačynak za svoj košt dla ŭdziełu ŭ pieradvybarčaj kampanii, a 6 žniŭnia aficyjna aformiła piensiju.
«Ja zrabiła heta z pryncypu, dziela siabie i dziela słužby, na jakoj pracavała», — rastłumačyła jana svajo rašeńnie.
Zakony Polščy dazvalajuć supracoŭnikam padatkovaj słužby iści na piensiju paśla 15 hadoŭ pracy, tamu ŭ jaje była mahčymaść, niahledziačy na toje, što žančynie niama navat 40 hadoŭ.
Svaju novuju rolu ŭ Prezidenckim pałacy jana ličyć «jašče adnym vymiareńniem słužeńnia». Na pytańnie, ci vierniecca siamja ŭ Hdańsk, dzie žyła raniej, paśla skančeńnia prezidenckaha terminu muža, jana adkazała pa-fiłasofsku: «Žyćcio samo piša svoj praciah».
Prezident Polščy zajaviŭ, što rehularna razmaŭlaje z ducham Piłsudskaha
U Polščy pradstavili jašče adzin zakonaprajekt ab hramadzianstvie: 15 hadoŭ žyćcia ŭ krainie, polskaja na ŭzroŭni S1 i daviedka ab niesudzimaści na radzimie
Naŭrocki ŭ AAN nazvaŭ situacyju z pravami čałavieka ŭ Biełarusi pryjarytetam Polščy
Prezident Polščy dazvoliŭ uvieści ŭ krainu vojski NATA
Kamientary