Pa knizie biełaruski, jakaja stała biestsieleram u nas i ŭ Rasii, zdymuć film
Užo pradadziena try miljony ekziemplaraŭ hetaha psichałahičnaha non-fikšna.
Kniha biełaruskaj piśmieńnicy i žurnalistki Volhi Prymačenki «Piaščotna da siabie» («K siebie niežno») stała biestsieleram. U joj raskazvajecca, jak lubić siabie, prymać svaje pačućci, rasstaŭlać pryjarytety. Ciapier pa knizie zdymuć film u Rasii.
Rasijskaja vydavieckaja hrupa «Eksmo» i pradziusarski centr «Jandeksa» «Plus studyja» padpisali pahadnieńnie ab sumiesnym inviestavańni ŭ vytvorčaść filma, paviedamlajuć «Viedomosti».
Zdymki pačalisia ŭ žniŭni 2025 hoda, žanr stvaralniki vyznačyli jak «žyćcieśćviardžalnaja kamiedyja». Režysioram filma staŭ Ivan Kitajeŭ («Biez praviłaŭ», «Byłyja»), a scenarystam — Darja Hracevič («Zdrady», «Chałop»). Roli ŭ karcinie vykanajuć Karyna Razumoŭskaja, Arciom Tkačenka, Piełahieja Nieŭzorava, Volha Miedynič.
Pavodle siužetu filma, paśpiachovaja doktarka Nadzia da svaich 40 hadoŭ raptam razumieje, što zusim ničoha nie viedaje pra siabie. Žančyna adna vychoŭvaje dačku Aliviju i žyvie ŭ kvatery śviakruchi, muž Nadzi Barys syšoŭ ad jaje dva hady tamu. I ŭ hety momant jana atrymlivaje «šeść urokaŭ piaščotnaści», jakija dapamahajuć Nadzi «znoŭ adšukać siabie, svoj ułasny hołas i svaju novuju nadzieju», adznačajecca ŭ relizie «Eksmo».
Vychad filma zapłanavany na krasavik 2026 hoda.
Psichałahičny non-fikšn «Piaščotna da siabie» byŭ vydadzieny ŭ 2020 hodzie. Hetaja kniha nie raz stanaviłasia lidaram prodažaŭ u Biełarusi i Rasii. Paźniej jana vyjšła i pa-biełarusku.
Sukupnaja realizavanaja kolkaść knih (papiarovych, elektronnych i aŭdyjoknih), pa źviestkach vydaviectva «Eksmo», užo pieravysiła 3 młn asobnikaŭ.
Volha Prymačenka paśla napisała taksama knihi «Z taboj ja doma» i «Usio skončycca, a ty nie», jakija taksama stali papularnyja. «Z taboj ja doma» vydadziena i pa-biełarusku.
Ciapier čytajuć
Stalinista-jabaćku z Homiela zatrymali paśla taho, jak jon zaprasiŭ Łukašenku na hvałtoŭnaje zakryćcio svajho treciaha kafe19
Kamientary
Z krytykaj krytyki rasiejščynaj zhodny.
1) Prapanavać adkaz u kryzis siaredniaha ŭzrostu i
2) Kab toj adkaz byŭ paradaksalna pryjemnym i nie ciažkim, naprykład, "što źjeści kab pachudzieć" abo "ty niedastatkova siabie lubiš!"