U Rasii skłali knižny rejtynh 2024 hoda. U jaho ŭvajšli 50 samych papularnych vydańniaŭ za hety pieryjad. Siarod ich 48% zajmajuć mastackija tvory, 46% — non-fikšn i 6% — dziciačaja litaratura.
Rejtynh składali znakavyja servisy i sietki ŭ knižnym śviecie: Rasijski knižny sajuz, «Čytaj-horad — Bukvajed», Ozon, «LitRes», MyBook, piša Tochka.by.
U katehoryju papularnych trapili «Moj tieatr. Kniha 1» Mikałaja Cyskarydze, «Zachaplalnaja viedźma. Kniha pieršaja» Hanny Džejn, «Dom, u jakim…» Maryjam Pietrasian, «Atamnyja zvyčki. Jak nabyć dobryja zvyčki i pazbavicca ad drennych» Džejmsa Klira.
U top-10 uvajšli «Tvajo serca budzie raźbitaje» Hanny Džejn, «Majstar i Marharyta» Michaiła Bułhakava, «Skazać žyćciu «Tak!»: psichołah u kancłahiery» Viktara Frankła, «Błasłavieńnie niabožycielaŭ. Tom 6» Mosian Tunsiu i «Žaleznaje połymia» Rebieki Jaras.
Bestseler hoda
Lidaram u rejtynhu stała kniha «Da siabie piaščotna» biełaruskaj aŭtarki Volhi Prymačenki. Heta pieršaje vydańnie piśmieńnicy, jakoje vyjšła ŭ 2020 hodzie. U knizie Prymačenka raspaviadaje čytačam, jak lubić siabie, prymać svaje pačućci, rasstaŭlać pryjarytety i ŭkaraniać u žyćcio praktyku piaščoty da siabie.
U 2022 hodzie bestseler uznačaliŭ rejtynh samych papularnych elektronnych vydańniaŭ Rasii. Aŭdyjaviersija hetaj knihi taksama stała samaj prasłuchoŭvanaj u 2022 hodzie pavodle servisu «Jandieks Muzyka». «Da siabie piaščotna» — papularnaja i siarod biełaruskich čytačoŭ, pavodle dadzienych bujnaha knižnaha rytejlera krainy.
Knihi Prymačenki vyjduć pa-biełarusku
U listapadzie 2024 hoda Volha Prymačenka pačała pošuk pierakładčykaŭ dla knih «Da siabie piaščotna» i «Z taboj ja doma». Aŭtarka zachacieła vydać ich na biełaruskaj movie.
Užo ŭ lutym 2025 hoda piśmieńnica paviedamiła, što rabota nad pierakładami zavieršana, i biełaruskija viersii adpravilisia na viorstku. Prymačenka pryznavałasia, što dla jaje taki prajekt chutčej imidžavy, čym kamiercyjny. Ale, pavodle słoŭ aŭtarki, jaje vielmi sahravaje dumka, što ideja budzie realizavanaja.
Ciapier čytajuć
«Ja nie prysvojvaŭ sabie miljon». 17‑hadovy błohier z Hrodna, jaki źbiraŭ hrošy na lačeńnie dziciaci, raspaviadaje svaju viersiju7
«Ja nie prysvojvaŭ sabie miljon». 17‑hadovy błohier z Hrodna, jaki źbiraŭ hrošy na lačeńnie dziciaci, raspaviadaje svaju viersiju
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie7474
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie74
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1818
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch18
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary