«Ekanamičny teror». Rasija ŭdaryła pa amierykanskaj kandytarskaj fabrycy ŭ Sumskaj vobłaści
Ministr zamiežnych spraŭ Ukrainy Andrej Sibiha paviedamiŭ ab čarhovaj rasijskaj atacy, cellu jakoj staŭ nievajenny abjekt — vytvorčyja mahutnaści amierykanskaj karparacyi Mondelez u horadzie Traścianiec Sumskaj vobłaści.
Hetaje pradpryjemstva źjaŭlajecca adnym z najbujniejšych inviestycyjnych prajektaŭ ZŠA va Ukrainie i pracuje na rynku ź siaredziny 1990‑ch hadoŭ.
Rakieta trapiła ŭ adzin z vytvorčych karpusoŭ. Na ščaście, abyšłosia biez achviar, adnak infrastruktury naniesiena značnaja škoda.
Andrej Sibiha padkreśliŭ, što fabryka vypuskaje vyklučna charčovuju pradukcyju i nie maje nijakaha dačynieńnia da vajennaj śfiery: «Heta nie vajennaja cel, a fabryka, jakaja pracuje z 1990‑ch hadoŭ, vypuskajučy suśvietna viadomyja brendy, dajučy pracu ŭkraincam i robiačy ŭniosak u našu i amierykanskuju ekanomiku».
Kiraŭnik ukrainskaha MZS akcentavaŭ uvahu na tym, što takija ŭdary źjaŭlajucca pramoj atakaj na ekanamičnyja intaresy ZŠA.
Pavodle jaho słoŭ, dziejańni Kramla robiać niemahčymym luby dyjałoh ab ekanamičnym supracoŭnictvie z Vašynhtonam: «Maskva nie moža kazać pra ekanamičny dyjałoh sa Złučanymi Štatami, atakujučy vytvorčyja abjekty, jakija naležać ZŠA. Udary pa mirnaj pramysłovaści — heta nie vajna, heta naŭmysny ekanamičny teror».
Fabryka ŭ Traściancy — heta hihanckaja kandytarskaja vytvorčaść, dzie vyrablajuć šakaład Milka i «Korona», piečyva Oreo, biskvity «Barni», a taksama pradukcyju brendaŭ TUC, Halls i Dirol.
-
Zahinuŭ hienierał, jakomu tolki paŭmiesiaca tamu dali Hieroja Rasii. Hety 17‑y zabity rasijski hienierał. Ukraina nie straciła nivodnaha
-
Bilecki paćvierdziŭ ukrainski nastup pad Limanam i raskazaŭ niekalki detalaŭ
-
Daroha dadomu, jakaja pakul viadzie praz front. U Kijeva-Piačerskaj łaŭry pakazvajuć historyju Pałka Kalinoŭskaha
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary