Handlova-administracyjny kompleks uzvodziać na skryžavańni praśpiekta Dziaržynskaha i vulicy K. Cetkin.
Da pabudovy šmatfunkcyjanalnaha handlova-administracyjnaha kompleksu prystupili śpiecyjalisty na skryžavańni pr. Dziaržynskaha i vuł. K. Cetkin, pišuć «Minsk-Naviny». Płošča ŭčastka pad uźviadzieńnie kompleksu składaje bolš za 5,3 ha.
Raniej na hetaj terytoryi raźmiaščalisia vytvorčyja abjekty pradzilnaj fabryki «Sukno», uźviedzienaj u 1947-m. Jaje całkam źnieśli. Vyzvalenuju placoŭku zabudoŭvaje kampanija «Maciaryk-Inviest». Dyrektar Ihar Siemičasny raspavioŭ, što kompleks budzie ŭklučać 12‑paviarchovy ofisny błok, arendnyja płoščy, šmatuzroŭnievy haraž-stajanku amal na 700 mašyna-miescaŭ.
Handlovaja častka centra zojmie dva pavierchi, praduhledžany hipiermarkiet tavaraŭ dla doma.
— Zaprajektavana i kompleksnaje dabraŭparadkavańnie, stvareńnie zon adpačynku, azielanieńnia, — adznačyŭ Siemičasny. — Ujezdy i vyjezdy na terytoryju abjekta zapłanavany z boku pr. Dziaržynskaha i z vuł. K. Cetkin.
Zona dla budaŭnictva bujnych abjektaŭ niaprostaja, bo pobač čyhunačnyja šlachi, a pad ziamloj mietro. Akramia taho, u miascovaści składany reljef: pierapady vyšyni składajuć 6—8 m. Kaliści tut prachodziła rečyšča raki Niamihi, jakuju zaklučyli ŭ kalektar u pačatku 1920-ch, u tym liku na hetaj terytoryi.
Narmatyŭny termin budaŭnictva abjekta — 46 miesiacaŭ. Adnak uvieści centr u ekspłuatacyju chočuć raniej.
Ciapier čytajuć
17‑hadovy chłopiec žyvie ŭ padvale. Jon zaharnuŭsia ŭ čyrvona-zialony ściah, kab Łukašenka źviarnuŭ na jaho ŭvahu5
Kamientary