Pjany biaspraŭnik skraŭ furu i haniaŭ na joj pa trasie. Zatrymlivali jaho sa zbrojaj
«Supracoŭniki DAI Minskaj vobłaści sa strełami zatrymlivali pjanaha biaspraŭnika, jaki vykraŭ furu i sprabavaŭ uciačy pa trasie M-4 «Minsk — Mahiloŭ».
Incydent pačaŭsia z paviedamleńnia ŭ milicyju pra padazrony hruzavik Iveco.
Na sihnały DAI ab spynieńni kiroŭca fury nie reahavaŭ, pačaŭ pavialičvać chutkaść i niebiaśpiečna manieŭravać, stvarajučy pahrozu na darozie.
Spynić šmattonnuju mašynu ŭdałosia tolki paśla taho, jak inśpiektary vykarystali tabielnuju zbroju i sistemu prymusovaha spynieńnia transpartu.
Za rulom akazaŭsia 44‑hadovy žychar Śvietłahorskaha rajona, jaki byŭ u stanie mocnaha ałkaholnaha apjanieńnia. Ekśpiertyza zafiksavała ŭ jaho arhaniźmie 2,4 pramile ałkaholu.
Jak vyśvietliłasia, mužčyna ŭžo byŭ pazbaŭleny paśviedčańnia kiroŭcy za padobnaje parušeńnie.
Pa vynikach zatrymańnia na parušalnika skłali šeść administracyjnych pratakołaŭ, a jaho źmiaścili ŭ izalatar časovaha ŭtrymańnia. Śledčyja taksama zaviali na jaho kryminalnuju spravu za kradziež.
Kamientary