U Iranie ŭpieršyniu paśla brutalnych razhonaŭ adbylisia novyja akcyi pratestaŭ
U Iranie adnavilisia antyŭradavyja pratesty. U subotu studenty niekalkich univiersitetaŭ u Iranie praviali novyja akcyi — upieršyniu paśla taho, jak ułady krainy žorstka padavili masavyja vystupleńni, što adbylisia ŭ studzieni.
Žurnalisty Bi-bi-si vieryfikavali kadry, na jakich vidać demanstracyja studentaŭ u tehieranskim Technałahičnym univiersitecie imia Šaryfa, jakaja pačałasia ŭ pieršy dzień navučalnaha siemiestra.
Na videa zafiksavany sotni pratestoŭcaŭ na terytoryi kampusa. Mnohija ź ich niasuć iranskija ściahi i skandujuć «Śmierć dyktataru!», vidavočna majučy na ŭvazie viarchoŭnaha lidara Irana ajatału Ali Chamieniei.
Na tych ža kadrach bačnaja jašče adna hrupa ludziej, jakaja padtrymlivaje ŭrad. Paźniej pamiž dvuma varožymi łahierami pačynajucca sutyčki.
Źjavilisia taksama paćvierdžanyja fatahrafii siadziačaj zabastoŭki ŭ tehieranskim Univiersitecie imia Šachida Biechiešci. Akramia taho, žurnalisty Bi-bi-si paćvierdzili sapraŭdnaść kadraŭ ź jašče adnoj staličnaj vnu: Technałahičnaha ŭniviersiteta imia Amira Kabira.
U raźmieščanym na paŭnočnym uschodzie horadzie Miešchied, druhim pa vieličyni ŭ Iranie, miascovyja studenty skandavali «Svaboda!» i «Studenty, kryčycie, kryčycie pra svaje pravy!»
Paviedamlajecca, što na praciahu dnia adbylisia demanstracyi z udziełam značnaj kolkaści ludziej i ŭ inšych rajonach. Hučać zakliki praciahnuć akcyi pratestu ŭ niadzielu.
Pakul nie zrazumieła, jak ułady adreahavali na demanstracyi i ci byli jakija-niebudź aryšty.
ZŠA źbirajuć vajskovuju siłu
Novyja demanstracyi ŭ Iranie prachodziać na fonie kancentracyi amierykanskich vojskaŭ u rehijonie i pahroz prezidenta ZŠA Donalda Trampa ŭžyć suprać iranskich uładaŭ vajskovuju siłu.
Ci ŭdarać ZŠA pa Iranie? Napružańnie raście na fonie niadaŭnich pieramoŭ.
ZŠA i ich jeŭrapiejskija sajuźniki aścierahajucca, što Iran maje namier vykarystać svaju jadziernuju prahramu dla vytvorčaści zbroi, Tehieran nastojvaje, što raspracoŭvaje atamnyja technałohii tolki ŭ mirnych metach.
U aŭtorak na hetym tydni pradstaŭniki Irana i ZŠA praviali pieramovy ŭ Šviejcaryi i zajavili, što dasiahnuli peŭnych pośpiechaŭ.
Ale paśla hetaha Tramp zajaviŭ, što «vierahodna, na praciahu nastupnych 10 dzion» śviet daviedajecca, ci ŭdałosia zaklučyć pahadnieńnie, abo ž Vašynhton źvierniecca da vajskovaj siły.
U minułym Tramp padtrymlivaŭ demanstracyi ŭ Iranie, u tym liku jon zaklikaŭ pratestoŭcaŭ nie spyniać svaje akcyi i abiacaŭ, što «dapamoha ŭžo ŭ darozie».
Adnak pahrozy Trampa pakul nie realizavalisia, i apazicyja, jakaja znachodzicca za miažoj, zaklikaje kiraŭnika Biełaha doma nanieści pa Iranie ŭdary, spadziejučysia, što heta pryviadzie da padzieńnia režymu. Niekatoryja inšyja pradstaŭniki apazicyi vystupajuć suprać vajskovaha ŭmiašańnia ZŠA.
Masavyja pratesty, jakija adbylisia ŭ studzieni, stali samymi maštabnymi paśla isłamskaj revalucyi 1979 hoda.
Pravaabarončaja arhanizacyja Human Rights Activists News Agency (Hrana), jakaja bazujecca ŭ ZŠA, paviedamlaje, što vieryfikavała zabojstva za čas demanstracyj jak minimum 6159 čałaviek, u tym liku 5804 pratestoŭcaŭ, 92 dziaciej i 214 ludziej, źviazanych z uładami.
Hrana taksama kaža, što rasśleduje jašče 17 tys. mahčymych śmierciaŭ.
U kancy studzienia iranskija ŭłady zajavili, što padčas akcyj pratestu byli zabityja bolš za 3,1 tys. čałaviek, ale bolšaść ź ich byli nibyta supracoŭnikami sił biaśpieki abo minakami, jakich atakavali «buntaŭščyki».
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ10
Kamientary
Ubivaja, tysiačami, protiestujuŝich, vłasť mułł, połučiła takije akcii, každyje sorok dniej na pominkach po ubitych, imieja połnyj razvał i chaos v ekonomikie strany, imieja totalnuju korrupciju i otdavaja vsio łučšieje tamošnim krasaucam, obriekaja ostalnych na totalnuju niŝietu, mułły, privieli Narod k sostojaniju, -kohda tieriať niečieho....