Minčanka addała afierystam 19 tysiač rubloŭ, a potym pa ich prośbie namalavała emblemu viedamstva i stała kurjeram
U milicyju źviarnułasia 59‑hadovaja žycharka Minskaha rajona, jakaja stała achviaraj machlaroŭ pa schiemie «Enierhazbytu». Adtul nibyta patelefanavali i paviedamili pra nieabchodnaść zamieny ličylnikaŭ i paprasili pradyktavać kod z SMS.
Praź niekatory čas ź joj źviazalisia nibyta pravaachoŭniki i paviedamili, što raniej jana razmaŭlała z machlarami. Surazmoŭca pahražaŭ kryminalnym pieraśledam i pierakanaŭ zajaŭnicu pieradać 18 tysiač jeŭra žančynie, jakaja nibyta była supracoŭnicaj banka i pryjechała dla dekłaravańnia hrošaj, paviedamlaje «Milicyja Minska».
U Kastryčnickim RUUS ustanavili asobu kurjera — joju akazałasia 48‑hadovaja minčanka, jakaja raniej sama stała achviaraj machlaroŭ i addała 19 tysiač rubloŭ kurjeru nibyta dla pieravodu hrošaj na biaśpiečny rachunak.
Kab paźbiehnuć žančynie kryminalnaj adkaznaści, jany daručyli joj vykanać niekalki zadańniaŭ: namalavać emblemu viedamstva, a zatym zabrać hrošy pa ŭkazanym adrasie.
Jana vykanała ŭsie ŭkazańni i pajechała na vakzał, kab vyjechać za miažu. U hety čas joj na telefon patelefanavaŭ sapraŭdny supracoŭnik milicyi i spyniŭ dalejšuju pieradaču hrošaj.
Hrošy kanfiskavanyja i buduć viernutyja ŭładalnicy.
Kamientary