Мінчанка аддала аферыстам 19 тысяч рублёў, а потым па іх просьбе намалявала эмблему ведамства і стала кур’ерам
У міліцыю звярнулася 59‑гадовая жыхарка Мінскага раёна, якая стала ахвярай махляроў па схеме «Энергазбыту». Адтуль нібыта патэлефанавалі і паведамілі пра неабходнасць замены лічыльнікаў і папрасілі прадыктаваць код з СМС.
Праз некаторы час з ёй звязаліся нібыта праваахоўнікі і паведамілі, што раней яна размаўляла з махлярамі. Суразмоўца пагражаў крымінальным пераследам і пераканаў заяўніцу перадаць 18 тысяч еўра жанчыне, якая нібыта была супрацоўніцай банка і прыехала для дэкларавання грошай, паведамляе «Міліцыя Мінска».
У Кастрычніцкім РУУС устанавілі асобу кур’ера — ёю аказалася 48‑гадовая мінчанка, якая раней сама стала ахвярай махляроў і аддала 19 тысяч рублёў кур’еру нібыта для пераводу грошай на бяспечны рахунак.
Каб пазбегнуць жанчыне крымінальнай адказнасці, яны даручылі ёй выканаць некалькі заданняў: намаляваць эмблему ведамства, а затым забраць грошы па ўказаным адрасе.
Яна выканала ўсе ўказанні і паехала на вакзал, каб выехаць за мяжу. У гэты час ёй на тэлефон патэлефанаваў сапраўдны супрацоўнік міліцыі і спыніў далейшую перадачу грошай.
Грошы канфіскаваныя і будуць вернутыя ўладальніцы.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары