Ci moža hetaj viasnoj pavialičycca kolkaść nadakučlivych i navat niebiaśpiečnych nasiakomych, raskazali BiełTA ŭ Nacyjanalnaj akademii navuk Biełarusi.
Staršaja navukovaja supracoŭnica łabaratoryi parazitałohii Darja Doŭnar adznačyła, što kolkaść mošak u pieršuju čarhu zaležyć ad nadvorja. Ich jajki davoli ŭstojlivyja da choładu, tamu śniežnaje pokryva amal nie ŭpłyvaje na ich vyžyvańnie — jany znachodziacca ŭ rekach pad lodam.
Kali viasnoj śnieh budzie rastavać chutka, uzrovień vady ŭ rekach padymiecca i pačniecca praciahłaja pavodka, mohuć uźniknuć dadatkovyja miescy dla razmnažeńnia mošak, i ich stanie bolš.
Raźvićcio kamaroŭ taksama źviazana z tempieraturaj pavietra. Čym ciaplejšaja viasna, tym chutčej jany prachodziać usie stadyi raźvićcia. Adnak rezkija pachaładańni mohuć zapavolić ich raźvićcio i navat źnizić kolkaść.
Pakul što, pavodle śpiecyjalistaŭ, ni kamary, ni moški ŭ Biełarusi jašče nie aktyvizavalisia. Moški pačynajuć raźvivacca ŭ rekach tolki tady, kali vada nahravajecca prykładna da vaśmi hradusaŭ. Zaraz jaje tempieratura składaje kala čatyroch—šaści hradusaŭ, tamu i kamary, i moški znachodziacca ŭ stanie spakoju. Vyklučeńnie — padvalnyja kamary, jakija mohuć sustrakacca na praciahu ŭsiaho hoda.
Zvyčajna najbolšaja aktyŭnaść hetych nasiakomych nazirajecca ŭ siaredzinie abo ŭ kancy maja i na pačatku červienia. Čaściej za ŭsio ad mošak pakutujuć žychary Homielskaj vobłaści (u tym liku Homiela, Rečycy i Śvietłahorska), a taksama niekatorych rajonaŭ Bresckaj i časam Hrodzienskaj abłaściej.
Što tyčycca iksodavych klaščoŭ, to ich kolkaść taksama zaležyć ad roznych faktaraŭ. Dla raźvićcia im patrebna kroŭ žyvioł abo čałavieka, tamu jany čaściej sustrakajucca tam, dzie jość ich karmavyja haspadary.
Pieršyja klaščy źjaŭlajucca paśla rastavańnia śniehu, ale asnoŭny pieryjad ich aktyŭnaści prypadaje na maj — pačatak červienia. Druhi ŭzdym kolkaści nazirajecca ŭ kancy žniŭnia — pačatku vieraśnia. Kali ž viasna budzie vielmi rańniaj, pieršy pieryjad aktyŭnaści moža nastupić raniej.
Klaščy — ich ulubionaja ježa. Navukoŭcy paćvierdzili efiektyŭnaść hetych ptušak u zmahańni ź niebiaśpiečnymi nasiakomymi
Sioleta biełarusaŭ užo dva razy ŭkusili klaščy
Kamaroŭ pryciahvajuć ludzi, jakija napiaredadni pili piva i zajmalisia seksam
Zachvorvańni, jakija pieranosiać kamary, stanoviacca surjoznaj prablemaj u Jeŭropie
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek33
Kamientary
Samyja prasunutyja znaŭcy kali jašče kazali, što čałaviek na hetaj planecie - prychadzień, nia rodnaja jana nam !