U Bierastavicy buduć sudzić treniera, jaki daŭ 17‑hadovaj vučanicy dopinh, kab pieramahła na spabornictvach
Sa žniŭnia 2025 hoda 54‑hadovy trenier pačaŭ aktyŭna rychtavać svaju padapiečnuju da bujnych spabornictvaŭ pa volnaj baraćbie, štodnia kantralujučy jaje vahu.
SK paviedamlaje, što na konie stajali nie tolki spartyŭnyja vyniki, ale i padaŭžeńnie terminu jaho prestyžnaj kvalifikacyi «trenier vyšejšaj katehoryi».
«Jon prymušaŭ junuju spartsmienku chudnieć luboj canoj, kab uvajści ŭ zajaŭlenuju vahavuju katehoryju da 40 kiłahramaŭ. Kožny hram davaŭsia ź ciažkaściu, i zdavałasia, što mara pra pieramohu ŭskolzaje», — piša SK.
U dzień vyjezdu na spabornictvy trenier vyrašyŭsia na krajni krok: u jaho rukach apynułasia tabletka, jakaja, na jaho dumku, «pavinna była dapamahčy pieraadoleć apošniuju pieraškodu».
«Da startu spartsmienka sapraŭdy dasiahnuła patrebnaj masy. Jana ŭpeŭniena abyšła sapiernic i padniałasia na najvyšejšuju prystupku pjedestała. Ale radaść doŭžyłasia niadoŭha: dopinh-test, uziaty paśla pieramohi, vyjaviŭ zabaronienaje rečyva. Dziaŭčyna pra heta navat nie padazravała, a, daviedaŭšysia vyniki, była ŭ šoku», — raskazali ŭ SK.
Na dopycie padazravany całkam pryznaŭ vinu. Jon paviedamiŭ, što treniravaŭ budučuju čempijonku z vaśmi hadoŭ i zaŭsiody ličyŭ jaje vielmi pierśpiektyŭnaj. Dziela ŭdziełu talenavitaj spartsmienki ŭ prestyžnych spabornictvach jon i daŭ joj tabletku. Tearetyčnych viedaŭ u halinie antydopinhu mužčyna nie mieŭ, a kvalifikacyjnyja testy, pavodle jaho słoŭ, prachodziŭ naŭhad.
Mužčyna pracuje trenieram pa volnaj baraćbie z 2003 hoda i raniej da kryminalnaj adkaznaści nie pryciahvaŭsia.
Zaviedziena kryminalnaja sprava pavodle č. 2 art. 331‑2 (naŭmysnaje vykarystańnie ŭ dačynieńni da zaviedama niepaŭnaletniaha spartsmiena rečyvaŭ, uklučanych u Respublikanski pieralik zabaronienych u sporcie rečyvaŭ i mietadaŭ) Kryminalnaha kodeksa.
Sankcyja artykuła praduhledžvaje štraf, abmiežavańnie voli abo da dvuch hadoŭ pazbaŭleńnia voli.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?9
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary