U Dzień Voli ŭ Kijevie adbudziecca rehijanalny forum biaśpieki «Šlach da Svabody». Mierapryjemstva arhanizujuć Abjadnany pierachodny kabiniet Biełarusi, analityčny centr «Ukrainskaja pryzma» i Mižnarodny fond «Adradžeńnie», paviedamlaje pres-słužba APK.
Forum budzie pryśviečany klučavym aśpiektam biełaruskaj vyzvalenčaj baraćby, pahrozam z boku režymu Łukašenki, a taksama pytańniam supracoŭnictva biełaruskich demakratyčnych sił z Ukrainaj i jeŭrapiejskimi partniorami. Da ŭdziełu zaprošany ŭkrainskija i zachodnija ekśpierty, biełaruskija demakratyčnyja dziejačy i dobraachvotniki.
Siarod klučavych tem abmierkavańnia — Biełaruś jak faktar rehijanalnaj biaśpieki i scenaryi raźvićcia situacyi da 2027 hoda, novaja madel ukrainska-biełaruskich adnosin u pieryjad vajny, pierśpiektyvy biełaruskaha dobraachvotnickaha ruchu, a taksama pytańnie stvareńnia rehijanalnaha farmatu «biełaruskaha Ramštajna».
Raniej paviedamlałasia, što, mahčyma, Śviatłana Cichanoŭskaja 25 sakavika budzie ŭ Kijevie.
Jak stała viadoma, vizit Śviatłany Cichanoŭskaj u Kijeŭ moža adbycca ŭ kancy sakavika. Razam ź Cichanoŭskaj u Kijeŭ taksama źbirajecca pajechać jaje namieśnik Abjadnanaha pierachodnaha kabinieta Biełarusi Pavieł Łatuška.
Naviedvańnie Śviatłanaj Cichanoŭskaj Kijeva stała mahčymym paśla taho, jak na sustrečy 25 studzienia ŭ Vilni jaje asabista zaprasiŭ prezident Ukrainy Uładzimir Zialenski.
Ciapier čytajuć
Statkievič raskazaŭ, jak vyžyvaŭ u źniavoleńni. I čym zajmajecca ciapier1
Kamientary
spojler - siońnia Dzień Kanstytucyi
ale adkul hałasavaŭšaj za łukašenku heta viedać