Byłoha pamiežnika i kiroŭcu «Transhaza» z Novałukomla asudzili za palityku
Vitala Hałuboŭskaha kinuli za kraty, mierkavana, pa spravie Hajuna.
Vitalu Hałuboŭskamu 49 hadoŭ. Mužčyna rodam z Naroŭli, ale doŭhi čas žyŭ u Novałukomli na Viciebščynie. U 2010 hodzie jon skončyŭ Biełaruski dziaržaŭny ahrarna-techničny ŭniviersitet, atrymaŭšy dypłom inžyniera-elektryka.
Raniej Vital słužyŭ pamiežnikam. Paśla bolš za 15 hadoŭ pracavaŭ kiroŭcam aŭtobusa. U apošnija hady byŭ kiroŭcam u «Hazpram transhaz Biełaruś» — vaziŭ bryhadu telemiechanikaŭ.
Mužčyna ŭ razvodzie, maje dvuch synoŭ.
Naprykancy minułaha hoda jaho zatrymlivali i źmiaščali za kraty. Viciebski abłasny sud sudziŭ Hałuboŭskaha pavodle častak 1 i 2 artykuła 361‑4 KK (sadziejničańnie ekstremisckaj dziejnaści). Pa hetym artykule zvyčajna sudziać za paviedamleńni ŭ čat manitorynhavaha prajekta «Biełaruski Hajun».
Mužčynie, najchutčej, dali chimiju z nakiravańniem.
* * *
«Biełaruski Hajun» — manitorynhavy OSINT-prajekt, jaki byŭ stvorany ŭ 2022 hodzie, kali Rasija praź Biełaruś napała na Ukrainu. Prajekt adsočvaŭ vajennuju aktyŭnaść rasijskich i biełaruskich vojskaŭ, abapirajučysia na infarmacyju ad biełarusaŭ. Kaardynavała jaho dziejnaść hrupa aktyvistaŭ na čale z Antonam Matolkam.
Sprava Hajuna pačałasia paśla taho, jak siłaviki zatrymali aktyvistku, jakaja niekalki hadoŭ žyła ŭ Biełarusi ŭ padpolli. U jaje mabilniku znajšli spasyłku na dałučeńnie ŭ bot Hajuna, jakuju joj dasyłali ŭ samym pačatku isnavańnia prajekta. Fatalnaja pamyłka była ŭ tym, što spasyłka była biesterminovaja. A tamu siłaviki zmahli padklučycca da bota i vypampavać adtul usiu infarmacyju. Jany atrymali paviedamleńni akaŭntaŭ, jakija pisali ŭ bot, a taksama ichnija ID i imiony karystalnikaŭ.
Samu ž dziaŭčynu zatrymali praz toje, što jana była vymušanaja źviarnucca ŭ dziaržaŭnyja struktury, da miedykaŭ. U jaje chłopca, jaki chavaŭsia razam ź joj, pačalisia mocnyja prablemy sa zdaroŭjem na fonie aryštu jaho baćki.
Zasnavalnik Hajuna Anton Matolka adrazu paśla ŭzłomu patłumačyŭ, jak adbyłasia ŭciečka infarmacyi, i abviaściŭ zakryćcio prajekta.
«Naša Niva» — bastyjon biełaruščyny
PADTRYMAĆChakiejnaha zaŭziatara i kiroŭcu asudzili za palityku. Padobna, što pa spravie Hajuna
Što moža pahražać tym, chto pisaŭ u bot «Biełaruskaha Hajuna»? I što možna zrabić ciapier
Piedahoha-arhanizatara z Homiela, jakaja raniej uznačalvała vajenna-patryjatyčny kłub, asudzili pa troch palityčnych artykułach
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary