U Minsku pradajuć dvuchuzroŭnievuju kvateru ź vidam na KDB. Voś kolki za jaje prosiać
U kvatery jość kamin i dva vannyja pakoi.
Čatyrochpakajoŭka z ahulnaj płoščaj 167 mietraŭ, jakaja znachodzicca ŭ Minsku pa vulicy Kamsamolskaja, 29, zajmaje piaty i šosty pavierch. Pryčym mansardny (šosty) pavierch u hetym domie źjaviŭsia tolki na rubiažy tysiačahodździaŭ.
Na pieršym uzroŭni — kuchnia-haścioŭnia z kaminam, spalny pakoj na 20 kvadrataŭ, vokny ź jakoha vychodziać u dvor, sanvuzieł i harderobnaja.
Pry hetym častka haścioŭni maje stoli ŭ dva pavierchi, što robić i biez taho vialikaje pamiaškańnie jašče bolš prastornym.
Pamiaškańnie vielmi śvietłaje, bo vokny jość na kožnym z pavierchaŭ.
Z haścioŭni idzie vychad na toj samy bałkon, ź jakoha adkryvajecca vid na budynak KDB.
Na druhim paviersie — žyły pakoj na 32 mietry, nievialiki kabiniet i jašče adna harderobnaja. Hałoŭnaja admietnaść druhoha paviercha — vielizarny sanvuzieł z voknami płoščaj 17,5 m².
Kvatera całkam hatovaja dla pražyvańnia, pradajecca razam z meblaj i technikaj.
U apisańni paznačana, što ŭ domie jość lift, zakrytaja achoŭnaja dobraŭparadkavanaja terytoryja ź sistemaj videanazirańnia, dziciačaja placoŭka, zakrytaja naziemnaja parkoŭka i padziemny parkinh.
Prosiać za redkuju kvateru ŭ samym centry Minska $459 tysiač, ci pa $2746 za mietr, što nie tak i šmat z ulikam aktualnych cen na nieruchomaść u stalicy, kali siaredni košt kvadrata pieravaliŭ za adznaku $2000.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii19
Kamientary