У Мінску прадаюць двухузроўневую кватэру з відам на КДБ. Вось колькі за яе просяць
У кватэры ёсць камін і два ванныя пакоі.
Чатырохпакаёўка з агульнай плошчай 167 метраў, якая знаходзіцца ў Мінску па вуліцы Камсамольская, 29, займае пяты і шосты паверх. Прычым мансардны (шосты) паверх у гэтым доме з'явіўся толькі на рубяжы тысячагоддзяў.
На першым узроўні — кухня-гасцёўня з камінам, спальны пакой на 20 квадратаў, вокны з якога выходзяць у двор, санвузел і гардэробная.
Пры гэтым частка гасцёўні мае столі ў два паверхі, што робіць і без таго вялікае памяшканне яшчэ больш прасторным.
Памяшканне вельмі светлае, бо вокны ёсць на кожным з паверхаў.
З гасцёўні ідзе выхад на той самы балкон, з якога адкрываецца від на будынак КДБ.
На другім паверсе — жылы пакой на 32 метры, невялікі кабінет і яшчэ адна гардэробная. Галоўная адметнасць другога паверха — велізарны санвузел з вокнамі плошчай 17,5 м².
Кватэра цалкам гатовая для пражывання, прадаецца разам з мэбляй і тэхнікай.
У апісанні пазначана, што ў доме ёсць ліфт, закрытая ахоўная добраўпарадкаваная тэрыторыя з сістэмай відэаназірання, дзіцячая пляцоўка, закрытая наземная паркоўка і падземны паркінг.
Просяць за рэдкую кватэру ў самым цэнтры Мінска $459 тысяч, ці па $2746 за метр, што не так і шмат з улікам актуальных цэн на нерухомасць у сталіцы, калі сярэдні кошт квадрата пераваліў за адзнаку $2000.
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце6
Каментары