Памёр акцёр Нікалас Брэндан — зорка серыяла «Бафі — знішчальніца вампіраў»
Акцёр памёр ва ўзросце 54 гадоў.
Пра смерць акцёра стала вядома сёння, 21 сакавіка.
«З горыччу паведамляем пра смерць нашага брата і сына Нікаласа Брэндана», — гаворыцца ў паведамленні, якое апублікавалі родныя памерлага ў сацыяльных сетках.
Пры гэтым у тэксце допісу ўдакладняецца, што мужчына памёр у сне па натуральных прычынах. Гэта ж інфармацыя з’явілася і на афіцыйнай старонцы зоркі.
Брэндан зняўся ў серыяле «Бафі — знішчальніца вампіраў», дзе сыграў Ксандэра.
Зараз яго сябры і адданыя прыхільнікі актыўна выказваюць спачуванні ў каментарыях.
«Гэта разрыў сэрца! Цябе будзе вечна не хапаць»; «Я назвала сына Ксандэрам у гонар яго персанажа. Спачывай з мірам, Нікала»; «Не! Не магу ў гэта паверыць», — кажуць фанаты.
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць48
Каментары