Днямі стала вядома, што Міністэрства антыманапольнага рэгулявання і гандлю (МАРГ) звярнулася да хакейнага клуба «Дынама-Мінск» з патрабаваннем растлумачыць, чаму квіткі на хатнія матчы плэй-оф Кантынентальнай хакейнай лігі сталі каштаваць так дорага. Выглядае, што тлумачэнняў даваць не сталі.
«З улікам рэкамендацый МАРГ ад хакейнага клуба «Дынама-Мінск» 20 сакавіка 2026 года атрыманыя запэўніванні ў тым, што цэнаўтварэнне на ўсе наступныя хатнія матчы (на наступных стадыях турніру) будзе ажыццяўляцца з асаблівым улікам сацыяльнай значнасці клуба як найважнейшага спартыўнага праекта для краіны», — паведаміла прэс-служба міністэрства.
З гэтай шматслоўнай фармулёўкі можна зразумець, што на наступныя хакейныя матчы на «Мінск-Арэне» цэны стануць значна ніжэйшымі.
Каментары