Vychodzić kniha «Tradycyjny interjer. Asoby», u jakoj viaskovyja interjery pakazanyja praz fotazdymki samich interjeraŭ, partrety hierojaŭ, a taksama fota pościłak i ručnikoŭ, pokuci, vyšyvak i raspoviedy pra svajo žyćcio 9‑ci žycharoŭ roznych pakaleńniaŭ z usioj Biełarusi, piša «Budźma».
«Heta historyja 80‑hadovaha Dzieda Kasmača z-pad Vałožyna, jaki vylečyŭsia śvianconaj vadoj i malitvami, u časy SSSR, kali viera była pad zabaronaj;
i znakamitaj na ŭvieś śviet Baby Kaci (Kaciaryny Alaksiejeŭny Pančeni) ź vioski Pahost pra jaje los i chatu-muziej, jakaja zrabiła dla tradycyjnaj kultury tak šmat, i źviedała stolki hora praź śmierć synoŭ;
heta i raspoviedy siaścior Viery (jakaja nie chodzić) i hłuchaniamoj Mani Nikanovič, jakija ŭsio žyćcio pražyli razam i nie źviedali kachańnia;
i historyja 90‑hadovaj Nieli Michnaviec, zakachanaj u hałuboŭ nastolki, što vyšyła ich, napeŭna, z 50 roznych varyjantaŭ;
i zamovy šaptuchi Viery Jakaŭleŭny Carykievič, jakaja lačyła šeptam navat daktaroŭ i ad rožy, i ad ukusu źmiai;
i maładaja siamja Šacior, jakaja ŭ viaskovaj chacie pad Maładziečnam sabrała adnu z samych vialikich kalekcyj pościłak i vyšavańnia;
i ŭžo pamierłaja Alena Mikitaŭna Muzyčenka, jakaja žyła bieź śviatła i kamunikacyj u čarnobylskaj vioscy Bartałamiejeŭcy, kudy viarnułasia paśla adsialeńnia ŭ haradskuju kvateru.
Taksama jość u knizie dva teksty ad kuratarki Hanny Karpienki pra fatahrafičny prajekt i archiŭ «Tradycyjny interjer» i ad falkłarystki Taćciany Vałodzinaj pra admietnaść biełaruskaha interjera», — napisali stvaralniki prajekta «Biełaruski tradycyjny interjer» u svaich sacsietkach.
Kniha maje 272 staronki na anhielskaj i biełaruskaj movach. Ź jaskravym kalarovym dyzajnam i ščyrymi historyjami biełarusaŭ.
Košt knihi składzie kala 60 jeŭra ci 200 biełaruskich rubloŭ.
Spasyłka na formu papiaredniaj zamovy knihi tut.
Ciapier čytajuć
Maryna Adamovič apublikavała novyja FOTY Mikoły Statkieviča4
Kamientary