Padarunak byŭ uručany na siońniašniaj Hienieralnaj asamblei Nacyjanalnaha alimpijskaha kamiteta, prezidentam jakoha źjaŭlajecca Viktar Łukašenka.
«Uznaharody i hramaty ŭ kamiteta ŭžo jość, hetym razam chaciełasia zrabić padarunak ad usiaho serca. Vycinanka vielmi simvaličnaja dla Biełarusi, jana ŭklučyła našu krainu ŭ śpis suśvietnaj spadčyny JUNIESKA. Chaču pažadać, kab našy atlety praciahvali ŭpisvać svaje imiony ŭ historyju sportu załatymi litarami», — skazała namieśnik premjer-ministra, piša BiełTA.
Sioleta NAK spaŭniajecca 35 hadoŭ, padarunak byŭ prymierkavany da hetaj daty.
Sam Viktar Łukašenka na asamblei adznačyŭ, što ŭdałosia zabiaśpiečyć udzieł spartsmienaŭ u bujnych spabornictvach.
«Lod kranuŭsia, my zabiaśpiečyli paŭnavartasny ŭdzieł našych delehacyj u klučavych mižnarodnych startach. Častka našych pradstaŭnikoŭ zimovych vidaŭ sportu nie prosta viarnułasia na suśvietnuju arenu, ale i zavajavała licenzii, pradstaviŭšy krainu na Alimpijskich hulniach u Italii. Hety pośpiech — sihnał da taho, kab jašče macniej kansalidavać namahańni ŭ hetym napramku. Našy atlety atrymlivajuć usio bolš dopuskaŭ na suśvietnyja starty, i naša zadača — pieramahać na mižnarodnym uzroŭni, dakazvajučy siłu biełaruskaj škoły sportu», — skazaŭ jon.
Ciapier čytajuć
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu66
Kamientary
Čiem on zasłužił pravo zanimať takuju dołžnosť?
Vopros ritoričieskij.