Stali viadomyja padrabiaznaści zakryćcia harnałyžnaha kompleksu «Łahojsk», jaki spyniaje pracu 31 sakavika. «Minskaja praŭda» źviazałasia ŭ suviazi z hetaj navinoj z namieśnikam staršyni Łahojskaha rajvykankama pa ekanomicy Alaksandram Bojkam i atrymała ad jaho kamientaryj ab hetaj situacyi.
Pa słovach čynoŭnika, kompleks źjaŭlajecca pryvatnym prajektam, i jaho ŭładalniki pryniali rašeńnie spynić dziejnaść praź finansavyja ciažkaści. Pavodle ich arhumientacyi, jany ŭžo nie mohuć nieści vydatki na ŭtrymańnie abjekta, tamu płanujuć pradać jaho, kab raźličycca z kredytorami i vykanać svaje abaviazacielstvy.
Pradstaŭnik Łahojskaha rajvykankama paviedamiŭ, što ŭłady atrymali aficyjnaje paviedamleńnie pra zakryćcio. Taksama stała viadoma, što kompleks aryštavany pa rašeńni suda i budzie pradavacca praź sistemu prymusovaha vykanańnia.
Pry hetym adznačajecca, što supracoŭniki kurorta biez pracy nie zastanucca — im abiacajuć prapanavać inšyja vakansii ŭ rehijonie.
Juryst kampanii «Trajpł», jakoj naležyć hety kompleks, kamientavać situacyju admoviŭsia.
«Łahojsk» byŭ adkryty ŭ studzieni 2004 hoda i staŭ adnym ź pieršych sučasnych harnałyžnych centraŭ krainy. Kompleks naležyć raniej nabližanamu da Łukašenki, a ciapier apalnamu biznesmienu Juryju Čyžu.
U 2023 hodzie abjekt sprabavali vystavić na tarhi, adnak kupca tady znajści nie ŭdałosia.
Ciapier čytajuć
Pieršaha namieśnika hiendyrektara «Biełviesta» pasadzili na try z pałovaj hady za palityku6
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1717
Kamientary
Niešta mała vy ź jaje navin dajacie, davajcie bolš - čym bolš budzie ŭ ich statystyka naviedvańniaŭ ... i papularnaść