Va Ukrainie aryštavali biełaruskaha dobraachvotnika Žerara. Pry im nibyta było kala miljona jeŭra
U svoj čas jon prasłaviŭsia, kali pryjazdžaŭ na tanku ŭ Kurskuju vobłaść.
Stała viadoma pra aryšt va Ukrainie 40‑hadovaha biełaruskaha dobraachvotnika Alaksandra «Žerara» Krasoŭskaha. Pra heta napisaŭ dobraachvotnik Dzianis Urbanovič, infarmacyju paćvierdzili «Našaj Nivie» i inšyja vajskoŭcy.
Pa ich słovach, śledčyja pryjšli da Krasoŭskaha 14 sakavika 2026 hoda. Ciapier jon u SIZA.
Vajskoŭcy paviedamlajuć, što pry vobšuku ŭ Žerara byccam znajšli niaŭličanuju zbroju, a taksama kala 1 miljona jeŭra. Nieviadoma, ci heta jaho hrošy, ci kahości inšaha. Taksama jaho padazrajuć u samavolnym pakidańni čaści (ale, mahčyma, situacyja ŭ biurakratyčnym nieparazumieńni pamiž vajskoŭcami) i pieraprodažy niejkich trafiejaŭ.
Žerar raskazvaŭ u raniejšych intervju, što jon rodam ź Minska. U 2020‑m jaho niekalki razoŭ zatrymlivali, paśla hetaha mužčyna vyrašyŭ źjechać ź Biełarusi i ŭ vyniku apynuŭsia va Ukrainie. Spačatku supravadžaŭ uciekačoŭ u Polšču, a paźniej dałučyŭsia da biełaruskich dobraachvotnikaŭ u składzie «Azova».
Niejki čas Žerar słužyŭ siarod kalinoŭcaŭ, a paźniej pajšoŭ u 225‑ty asobny šturmavy połk USU, dzie ź ciaham času ŭznačaliŭ padraździaleńnie «Tur». U 2024‑m biełarusy z «Tura» byli siarod vajaroŭ USU, jakija zajšli na terytoryju Kurskaj vobłaści. Tady ž źjaviłasia znakamitaje videa z tankam pad BČB-ściaham, źniataje nibyta ŭ Kurskaj vobłaści, ale nasamreč — na Sumščynie.
Apošnim časam Žerar zajmaŭsia evakuacyjaj paranienych.
«Naša Niva» — bastyjon biełaruščyny
PADTRYMAĆMinčuk Žerar, kamandzir padraździaleńnia «Tur», raskazaŭ, jak adnojčy ledź nie zahinuŭ pad Mikałajevam, a druhi raz — pad Bachmutam
«Zachodzili jak nož u masła». Biełaruskija bajcy byli siarod tych, chto pieršym zajšoŭ u Kurskuju vobłaść
Čamu videa z tankam pad bieł-čyrvona-biełym ściaham było źniataje ŭ Sumskaj vobłaści, a nie ŭ Kurskaj? Tłumačyć Žerar
Kamientary