Babaryka: Ja byŭ kandydat, zručny dla ŭsich biełarusaŭ. Chto byŭ za Rasiju, žyli ŭ mifie, što heta vyhadna Rasii
U novym vypusku TOKu Viktar Babaryka patłumačyŭ, čamu ŭžo na treci dzień paśla abviaščeńnia svajho namieru iści na vybary razumieŭ, što amal harantavana vyjhraje.
Jak zhadvaje Viktar Babaryka, 13 maja 2020‑ha zapracavała sistema elektronnaha zapisu ŭ jaho inicyjatyŭnuju hrupu.
«A dalej adbyłosia toje, što adbyłosia. Pryjšli ludzi, jakija addali ŭsie svaje zdolnaści i talenty dla taho, kab heta zdaryłasia. (…) Akazałasia, što hety krok (vyłučeńnie ŭ prezidenty — NN) nasamreč patrebny nie tolki mnie i maim unukam albo majoj adkaznaści pierad unukami. Akazałasia, što heta realna patrebna biełarusam», — adznačaje palityk i dadaje:
«Na treci dzień ja ŭžo razumieŭ, što my amal harantavana vyjhrajem. (…) Kali było 10 tysiač [členaŭ inicyjatyŭnaj hrupy], my razumieli siłu sietkavaha efiektu i mieli vyraznaje razumieńnie, nakolki čakańnie inšaj Biełarusi žyvie ŭ Biełarusi».
Na pytańnie, čamu ludzi byli hatovy addać svoj hołas za jaho, Babaryka adkazvaje:
«Heta była kandydatura, zručnaja dla ŭsich biełarusaŭ. Tyja, chto byŭ za Rasiju, žyli ŭ mifie, što heta vyhadna Rasii, i ŭ nas nastupić ščaście.
Tyja, chto žyli i dumali pra Biełaruś, bačyli prajekty, jakija my rabili ŭ padtrymku Biełarusi, i kazali, što tak, heta sapraŭdny [kandydat], realna, chto budzie rabić i dalej štości dla Biełarusi.
Tyja, chto chacieli prosta ekanamičnych rečaŭ, hetaksama bačyli ŭva mnie fihuru, jakaja, «nu, kali jon sam štości zrabiŭ, to jość šaniec štości zrabić (dla krainy — NN)». Kali dakładna jamu ŭsiaho chapała, značyć, štości ŭžo moža zrabić (dla Biełarusi — NN).
Heta byŭ, jak mnie padajecca, toj samy kandydat, jaki zadavalniaŭ intares usich, tamu što jon byŭ ničyim. Jon byŭ ničyim, i tamu jaho možna było prysvoić kožnamu, pačynajučy ad čynoŭnika i zakančvajučy rasijskaaryjentavanym».
Babaryka: Kalehi, jakija dali pakazańni suprać mianie, nie zmohuć patłumačyć, čamu heta zrabili, kab nie stracić pavahu ŭnukaŭ
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
Babaryka: Kali b my pieramahli — vajny va Ukrainie nie było b
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary
[Zredahavana]
Ci mo jamu teksty rychtuje sučasny Kryłoŭ ci Krapiva? Bo dla ŭsich inšych zanadta kruty siužet navat dla aniekdotaŭ. Kali praz 6 hadoŭ paśla "vybaraŭ", dzie nia byŭ navat kandydataŭ, to ŭ siabie pavieryŭ i vyjhraŭ. Tolki nie zrazumieła što i na kaho heta raźličana.
A pa-inšamu možna vydvihacca ŭ kandydaty, pa-mojmu, tolki pa zadańni tych, ad kaho zaležyš. Jak pasłuchmiany vykanaŭca.