U Biełarusi ŭvodziać štohadovuju zabaronu na łoŭlu ryby ŭ pieryjad nierastavańnia, kab zachavać rybnyja resursy i padtrymlivać vodnyja ekasistemy.
U roznych abłaściach Biełarusi terminy zabarony adroźnivajucca:
- u Bresckaj i Homielskaj — z 20 sakavika pa 18 maja;
- u Hrodzienskaj, Mahiloŭskaj i Minskaj — z 1 krasavika pa 30 maja;
- u Viciebskaj — z 10 krasavika pa 8 červienia.
U hety čas amatarskaja rybałka dazvalajecca tolki adnoj vudaj z adnym kručkom abo adnym śpininham z adnoj štučnaj prynadaj, jakaja maje nie bolš za dva kručki. Łavić možna tolki ź bieraha ŭ śvietły čas sutak, a taksama ź lodu ci štučnych zbudavańniaŭ, dzie niama abmiežavańniaŭ. Dazvalajecca vykarystoŭvać padsačak dla vymańnia złoŭlenaj ryby. Inšyja sposaby łovu i pramysłovaja rybałka zabaronienyja.
Parušeńnie pravił karajecca štrafam ad 10 da 30 bazavych vieličyń, a za niezakonny vyłaŭ ryby — jašče i trajnoj kampiensacyjaj škody pryrodzie. Kali škoda pieravyšaje 100 bazavych vieličyń, nastupaje kryminalnaja adkaznaść.
Dziaržaŭnaja inśpiekcyja achovy žyviolnaha i raślinnaha śvietu pravodzić kompleksnaje mierapryjemstva «Nierast» dla kantrolu za vykanańniem zabarony i papiaredžańnia brakańjerstva. Asablivaja ŭvaha nadajecca zachoŭvańniu zabaronienych pryład łovu — za ich najaŭnaść praduhledžany štraf da 30 bazavych vieličyń, ale tyja, chto zdaść ich samastojna, ad adkaznaści vyzvalajucca.
Akramia taho, u pieryjad nierastu zabaroniena vykarystańnie sudnaŭ na vadajomach, za vyklučeńniem haspadarčych, transpartnych, spartyŭnych abo turysckich metaŭ pry najaŭnaści śpiecyjalnaha dazvołu. Parušeńnie hetaha praviła karajecca štrafam da 10 bazavych vieličyń dla fizičnych asob i da 50 — dla jurydyčnych.
Na Dniapry ŭ Mahilovie dva rybaki pravalilisia pad lod
Rybaki znajšli na Biarezinie dziŭnuju pałonku, pobač lažaŭ ledabur
U Łunincy na sažałcy stała masava mierci ryba
«Žančyny śpiašajucca pa kaśmietyku, a ja — pa vudy». Miedsiastra ź Viciebska bolš za 15 hadoŭ zajmajecca rybałkaj
Biasstrašnaść i advaha. Hetyja ludzi łoviać rybu na lodzie ŭ +14
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary