U Łojeŭskim rajonie viarnuli ŭ rodnaje nieba vyratavanaha miascovaj piensijanierkaj busła
U vioscy Byvalki Łojeŭskaha rajona paśla zimoŭki vypuścili na volu vyratavanaha busła. Dzikaja ptuška niekalki miesiacaŭ žyła ŭ miascovaj piensijanierki, a ciapier daloka nie palacieła — ablubavała hniazdo kala chaty, u jakoj zimavała, piša Times.by.
Asłablenaha busła, jaki nie palacieŭ na poŭdzień sa svaimi surodzičami, Halina Kažamiaka padabrała za niekalki dzion da Novaha hoda. Kali ŭdaryli marazy, ptuška prybiłasia da stoha ŭ susiedskim dvary. Hladzieć na heta spakojna Halina nie zmahła i pierakanała muža zabrać ptušku ŭ chatu.
Busła adahreli, nakarmili, nazvali Sieniem i vyrašyli pakinuć da viasny. Z ptuškaj pryjšłosia pavałavodzicca, jak z małym dziciom. Da siabie jon ludziej nie padpuskaŭ, a ŭ ježy byŭ pieraborlivy.
Videa ź Sieniem svajaki Haliny pakazali znajomamu vieterynaru. Śpiecyjalist vykazaŭ zdahadku, što busłu try hady, a ŭ ciopłyja krai jon nie palacieŭ, chutčej za ŭsio, z-za paškodžanaha kryła. Pieralot u 10—12 tysiač kiłamietraŭ Sienia naŭrad ci vytrymaŭ by, tamu dapamoha siamji Kažamiakaŭ akazałasia vielmi darečnaj.
Za hetyja miesiacy Sienia staŭ paŭnapraŭnym členam siamji. Navat katy, jakija spačatku šypieli na hościa, nieŭzabavie mirna pačali jeści ź im z adnoj miski rybu. Dzikaja ptuška paśpieła pakaštavać i chrumstkija kapusnyja listy, i sapraŭdny kaciny łasunak — dalikatnaje kurynaje file.
«A jašče Sienia palubiŭ hladzieć na ahoń u piečcy. Ci nie cud?» — raskazała Times.by pra zvyčki piernataha pastajalca Halina.
Dniami ŭ viosku pačali viartacca busły. Buślanku kala carkvy, a heta za 100 mietraŭ ad doma Kažamiakaŭ, užo ablubavała ptuška-adzinočka. Dla Haliny heta stała sihnałam — para vypuskać Sieniu na volu.
Haspadynia adniesła piernataha da słupa z hniazdom. Kaža, pieražyvała, što paśla dvuch z pałovaj miesiacaŭ niavoli jon adrazu nie ŭźlacić. Ale Sienia šyroka ŭzmachnuŭ kryłami i rvanuŭ daloka praz pole.
Halina navat paśpieła zasmucicca — maŭlaŭ, kinuŭ jaje. Ale praz paru hadzin Sienia viarnuŭsia i ŭładkavaŭsia ŭ toj samaj buślancy kala carkvy.
«Viadoma, heta naš Sienia. Samy ŭkormleny, dy i šyju trymaje prama, u adroźnieńnie ad zmardavanaj pieralotam ptuški», — adrazu adkinuła ŭsie sumnievy Halina, hledziačy, jak jaje hadavaniec asvojvaje novaje hniazdo.
«Prylacieli, rodnyja!» Kala Biełaviežskaj puščy pabačyli busłoŭ VIDEA
«Heta budzie «Artek» dla žyvioł». «Dom Bresckaha busła» ŭratavany: ułady adhuknulisia
Kolki biełych busłoŭ žyvie ŭ Biełarusi?
«Najlepšaje ŭ žyćci — bačyć, jak uźlatajuć ci ŭciakajuć tyja, kamu my dapamahli». Biełaruska raskazała, jak ratuje dzikich žyvioł
«Škada budzie, kali zahinie». Pad Mahilovam užo niekalki tydniaŭ sprabujuć uratavać busła, jaki zastaŭsia zimavać
«Nie taki ŭžo jon bieły i puchnaty». Kiraŭnik centra pa ratavańni busłoŭ raskazaŭ pra ich šmat cikavaha
Ciapier čytajuć
U restaranie «Mak.baj» na zahad Łukašenki pierajmienavali amierykana. Jak nazvali?8
Kamientary