«Heta budzie «Artek» dla žyvioł». «Dom Bresckaha busła» ŭratavany: ułady adhuknulisia
U historyi z zakryćciom unikalnaha centra reabilitacyi ptušak «Dom Bresckaha busła» pakazaŭsia niečakany i ščaślivy pavarot. Dyrektar prajekta Dźmitryj Aŭdziejeŭ paviedamiŭ u tyktoku, što paśla sustrečy ŭ rajvykankamie pytańnie ź ziamloj vyrašyłasia najlepšym čynam.
Jašče niadaŭna ekaabaronca byŭ u rospačy, bo termin arendy staroha ŭčastka zakančvaŭsia, a prapanavany ŭładami varyjant za 26 kiłamietraŭ ad horada zusim nie padychodziŭ dla hniezdavańnia busłoŭ. Adnak zaraz jon paviedamiŭ, što centr nie prosta zastajecca žyć, ale i budzie pracavać u palepšanym farmacie.
«Siabry, ja byŭ u rajvykankamie, i mnie prapanavali dva varyjanty. Kali ščyra, adzin lepšy za druhi. I ciapier ja načami spać nie budu, pakul nie vybieru. Uvohule, chutčej za ŭsio, ja, napeŭna, voś hety vybieru», — raspavieŭ Dźmitryj Aŭdziejeŭ. Tam jość sažałka, dzie zmohuć žyć kalavodnyja ptuški znachodzicca, i, «viadoma ž, našy lebiedzi».
Tam užo jość babry. «Heta budzie realna Artek dla ŭsich dzikich žyvioł, jakija trapiać da nas z tych ci inšych pryčyn: albo chvaroby, albo traŭmy. <…> Heta prosta kazka! I vakoł — vornyja ziemli, busłam tut prosta razdolle».
Jon padziakavaŭ rajonnym uładam, što padyšli da pytańnia «z rozumam, z razumieńniem spravy».
Za hady pracy «Dom Bresckaha busła» staŭ miescam vyratavańnia dla sotniaŭ ptušak. Centr zajmaŭsia nie pastajannym utrymańniem ptušak, a ich vychodžvańniem i viartańniem u pryrodu. Tudy traplali buślaniaty, vykinutyja z hniozdaŭ u «hałodnyja» hady, ptuški z traŭmami abo tyja, što nie zmahli svoječasova adlacieć na zimoŭku. Paśla adnaŭleńnia ich vypuskali na volu. Pierad hetym busłoŭ kalcavali dla ŭliku. Navina pra mahčymuju likvidacyju prytułku vyklikała vialiki rozhałas.
-
Viktar Łukašenka zaśviaciŭ na pasiadžeńni NAK svoj hadzińnik — ciažki luks
-
Viačorka: Cichanoŭskaja z Koŭłam abmiarkoŭvała varyjant z amnistyjaj, pry jakoj nie adkryvajucca novyja spravy i spyniajucca minułyja
-
Što viadoma pra chakiejnaha sudździu, zatrymanaha pa padazreńni ŭ zabojstvie ciažarnaj minčanki
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks7
Viktar Łukašenka zaśviaciŭ na pasiadžeńni NAK svoj hadzińnik — ciažki luks
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu77
Kamientary
Mova dla mienia nie rodnaja, no ja zdieś, ja sdiełaju svojo dieło, kohda nužno budiet dla BIEŁARUSI!!!
A za ptic i "Dom" - chočietsia prosto poradovaťsia! Čiestno. Po-čiełoviečieski...
Vo vłasti rabotajut vsio-žie Ludi. Da, nie vsie, da, nie viezdie. No - jesť!
I eto vsielajet Nadieždu!..