«Гэта будзе «Артэк» для жывёл». «Дом Брэсцкага бусла» ўратаваны: улады адгукнуліся
У гісторыі з закрыццём унікальнага цэнтра рэабілітацыі птушак «Дом Брэсцкага бусла» паказаўся нечаканы і шчаслівы паварот. Дырэктар праекта Дзмітрый Аўдзееў паведаміў у тыктоку, што пасля сустрэчы ў райвыканкаме пытанне з зямлёй вырашылася найлепшым чынам.
Яшчэ нядаўна экаабаронца быў у роспачы, бо тэрмін арэнды старога ўчастка заканчваўся, а прапанаваны ўладамі варыянт за 26 кіламетраў ад горада зусім не падыходзіў для гнездавання буслоў. Аднак зараз ён паведаміў, што цэнтр не проста застаецца жыць, але і будзе працаваць у палепшаным фармаце.
«Сябры, я быў у райвыканкаме, і мне прапанавалі два варыянты. Калі шчыра, адзін лепшы за другі. І цяпер я начамі спаць не буду, пакуль не выберу. Увогуле, хутчэй за ўсё, я, напэўна, вось гэты выберу», — распавеў Дзмітрый Аўдзееў. Там ёсць сажалка, дзе змогуць жыць каляводныя птушкі знаходзіцца, і, «вядома ж, нашы лебедзі».
Там ужо ёсць бабры. «Гэта будзе рэальна Артэк для ўсіх дзікіх жывёл, якія трапяць да нас з тых ці іншых прычын: альбо хваробы, альбо траўмы. <…> Гэта проста казка! І вакол — ворныя землі, буслам тут проста раздолле».
Ён падзякаваў раённым уладам, што падышлі да пытання «з розумам, з разуменнем справы».
За гады працы «Дом Брэсцкага бусла» стаў месцам выратавання для сотняў птушак. Цэнтр займаўся не пастаянным утрыманнем птушак, а іх выходжваннем і вяртаннем у прыроду. Туды траплялі бусляняты, выкінутыя з гнёздаў у «галодныя» гады, птушкі з траўмамі або тыя, што не змаглі своечасова адляцець на зімоўку. Пасля аднаўлення іх выпускалі на волю. Перад гэтым буслоў кальцавалі для ўліку. Навіна пра магчымую ліквідацыю прытулку выклікала вялікі розгалас.
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары
Мова для меня не родная, но я здесь, я сделаю своё дело, когда нужно будет для БЕЛАРУСI!!!
А за птиц и "Дом" - хочется просто порадоваться! Честно. По-человечески...
Во власти работают всё-же Люди. Да, не все, да, не везде. Но - есть!
И это вселяет Надежду!..