Ryhor Połazaŭ hatovy paspračacca sa śćviardžeńniem, što praca ŭ dziciačym sadku — sprava žančyn.
U 2008 hodzie jon pryjšoŭ u sad №4 Zasłaŭja prostym vychavacielem, a siońnia ŭznačalvaje dziciačy sad №2 i paśpiachova kiruje žanočym kalektyvam. «Prystaličča» pabyvała ŭ haściach u niezvyčajnaha zahadčyka.
Svajho «sadkoŭskaha» dośviedu ŭ jaho nie było — jon vychoŭvaŭsia doma, a dziacinstva prajšło ŭ Kazani. Paśla škoły razam ź siabram vyrašyli pastupać u BDPU. Ryhor abraŭ śpiecyjalnaść piedahoha-psichołaha. Pracoŭny dośvied pačaŭ nabyvać z 2008 hoda ŭ dziciačym sadzie №4 Zasłaŭja, dzie pracavaŭ i vychavalnikam, i psichołaham.
«Ja doŭha pracavaŭ vychavalnikam, psichołaham, ale rabota zahadčyka… Heta inšy śviet. Ja viedaŭ, jak vychoŭvać dziaciej, ale jak pracuje «kuchnia», jak pišucca hory spravazdač, jak vyrašajucca haspadarčyja pytańni — heta vielizarny novy płast viedaŭ! Daviałosia vučycca ŭsiamu i va ŭsich. Na ščaście, kalektyŭ tut byŭ mocny, zładžany, ź vialikim stažam», — kaža jon.
Mužčyna kaža, što samym składanym byŭ pierachod ad dakumientacyi vychavalnika, dzie 5—7 papier, da cełaha stosu dakumientaŭ.
«Heta kałasalny abjom. Ale kali ŭnikaješ u kožnuju drobiaź, u patrabavańni i normy, razumieješ: małyja — asablivaja katehoryja, biez manitorynhu i strohich praviłaŭ tut nijak», — zaznačaje jon.
«Kali źjaŭlajecca volnaja chvilina, ranicaj abaviazkova prachodžu pa hrupach, vitajusia ź dziećmi, z supracoŭnikami. Chłopčyki raskazvajuć svaje naviny», — kaža zahadčyk.
Niahledziačy na toje, što jon adziny mužčyna ŭ piedahahičnym kalektyvie, Ryhor Alaksandravič nie adčuvaje siabie «biełaj varonaj». Naadvarot, jon pierakanany, što mužčynski pohlad u rabocie dziciačaha sadka nieabchodny dla harmaničnaha raźvićcia dziaciej: «Heta jak tata ŭ siamji — prykład pavodzin, tak i ŭ sadku patrebny mužčyna, asabliva dla chłopčykaŭ. Siońniašnija dzieci ničym nie adroźnivajucca ad tych, chto daŭno vyras i ŭžo sam staŭ baćkam. I tyja, i inšyja maryli i marać pra prafiesii pažarnaha, kasmanaŭta abo vajskoŭca. Tamu ŭ nas častyja hości — supracoŭniki MNS, DAI».
Ale važnyja nie tolki «mužčynskija» aktyŭnaści.
Zahadčyk ličyć, što asnova vychavańnia — heta dabrynia i padtrymka: «Usim dzieciam patrebnyja ciapło, abdymki, emacyjnaja abarona. Heta nie škoła, a niešta siaredniaje pamiž domam i navučalnaj ustanovaj».
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary