U parku imia Horkaha praciahvajecca madernizacyja absiervatoryi staličnaha płanietaryja. U śniežni na budynku demantavali stary kupał i pačali ŭmacavańnie apornych kałon, a ciapier na placoŭku dastavili novy aluminijevy kupał. Padrabiaznaści raspaviali ŭ «Minskbudzie».

Kanstrukcyju vyrabili ŭ Maskvie, a ŭ Minsk pryvieźli ŭ razabranym vyhladzie. Paśla zborki kupał, abstalavany elektrapryvadam i stvorkami, što raskryvajucca z ahladam na 360°, ustalujuć na budynak. Ciapier budaŭniki jakraz farmirujuć bietonnuju asnovu pad jaho ŭstanoŭku.

Paralelna na abjekcie viaducca tynkavyja raboty i mantaž vonkavaj leśvicy. Unutry budynka ŭžo zaviaršyli demantaž starych pieraharodak i dachu.
Paśla pierapłaniroŭki ŭ absiervatoryi pašyrać faje, a ŭsio techničnaje abstalavańnie vyniesuć u padvalnuju častku.

Prajekt praduhledžvaje poŭnaje abnaŭleńnie «načyńnia»: u płanietaryi zamieniać ekran, akustyku i prajekcyjnuju sistemu. Dla hledačoŭ ustalujuć novyja kresły z funkcyjaj nachiłu śpinki. Niahledziačy na hłybokuju madernizacyju, architekturny vobraz budynka abiacajuć zachavać — ad łuskavataha pakryćcia dachu da aŭtentyčnaha napisańnia šyldy «Płanietaryj».
-
Prapahandysty pakazali na niekalki siekund papierku ź imionami raniej vyzvalenych palitviaźniaŭ. Što za ludzi ŭ hetym śpisie?
-
Trenierka-błohierka abraziła naviedvalnicu ŭ trenažorcy ŭ Novaj Baravoj. Ciapier skardzicca na ckavańnie
-
Biełaruski mańjak siadzić u Rasii i prydumlaje sabie novyja kryminalnyja spravy, kab nie viartacca ŭ turmu, dzie jaho katujuć
Kamientary