Tuneli pojduć na vosiem mietraŭ nižej za Śvisłač — jak idzie budaŭnictva Zielenałužskaj linii mietro FOTY
Budaŭnictva novaha ŭčastka Zielenałužskaj linii mietro praciahvajecca. U studzieni 2026‑ha śpiecyjalisty pačali inžyniernuju padrychtoŭku terytoryi pobač z haścinicaj «Jubilejnaja», aharadzili ŭčastak kala Śvisłačy. Jakija raboty zaraz vykonvajucca, «Minsk-Navinam» raspavioŭ namieśnik staršyni Minharvykankama Alaksandr Černikaŭ.
Na pr. Pieramožcaŭ — ad vuł. Mielnikajcie da pr. Mašerava — skaracili kolkaść pałos dla ruchu transpartu: z troch da dźviuch u kožnym napramku.
— Na hetym učastku pravodziacca raboty pa ŭmacavańni kalektara, pobač ź jakim buduć prakładać tuneli treciaj linii. Heta nieabchodnaja miera, kab zabiaśpiečyć jaho apornuju zdolnaść i hiermietyčnaść i ŭ budučyni vyklučyć ryzyku avaryj, — rastłumačyŭ Černikaŭ. — Što tyčycca Śvisłačy, to jaje asušać nichto nie stanie. Tut sapraŭdy źjavicca tunel, adnak tuneleprachodčy kompleks prosta projdzie na šeść-vosiem mietraŭ hłybiej za rečyšča raki. Heta značyć, na tych učastkach, dzie heta nieabchodna, tunel pryjdziecca apuścić nižej za zonu rečyšča, u ščylnyja i ŭstojlivyja słai hruntu.
Pavodle słoŭ namieśnika staršyni Minharvykankama, placoŭku kala Śvisłačy abnieśli płotam dla ŭstanoŭki špuntavaj aharodžy, jaje pryznačeńnie — padzialić rečyšča na niekalki ŭčastkaŭ.
Asnoŭny patok vady nakirujuć pa svabodnym kalidory, a na adnoj z vydzielenych častak budaŭniki zojmucca bietonnaj padrychtoŭkaj. Paśla čaho vodny patok paetapna pieraviaduć na hatovy ŭčastak.
Śpiecyjalisty buduć paśladoŭna pierachodzić da nastupnych čerhaŭ rabot, da poŭnaha ich zaviaršeńnia pa ŭsioj šyryni rečyšča. Takaja bietonnaja padrychtoŭka pravodzicca dla praduchileńnia drenavańnia piasku ŭ tunel. Na raku heta nijak nie paŭpłyvaje. Zaviaršyć raspačataje płanujuć užo ŭ lipieni.
Ahulnaja kancepcyja Zielenałužskaj linii mietro sfarmiravana, adnak u jaje mohuć unosicca źmieny. Dla pavieličeńnia tempu budaŭnictva zakupili druhi taneleprachodčy miechanizavany kompleks i abstalavańnie dla vypusku vysokadakładnaj tunelnaj ašaloŭki. Usiu hetuju techniku pastupova pryvoziać u Biełaruś. U nastupnyja niekalki miesiacaŭ płanujuć jaje zapusk.
-
Pad rasijskim Vybarham zahinuŭ mužčyna, jaki ŭdzielničaŭ u lasnym fiestyvali. Kažuć, što jon ź Biełarusi
-
Dyrektara toj samaj studyi, jakaja ŭstanaŭlivała Iharu Turu kuchniu za 23 tysiačy rubloŭ, aryštavali za machlarstva
-
U Dźmitryja Baskava skončyŭsia termin dyskvalifikacyi, jon źbirajecca znoŭ viartacca ŭ chakiej
Ciapier čytajuć
Łukašenka: Što tvorycca ŭ krainie, u nas usie hetuju huś kruciać22
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2222
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna22
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5757
Kamientary