Z-błohier niečakana nazvaŭ Pucina nielehitymnym i zaklikaŭ addać jaho pad sud
Rasijski praŭładny błohier i aŭtar danosaŭ Ilja Ramiasło niečakana krytyčna vykazaŭsia pra Uładzimira Pucina. Jon nazvaŭ Pucina nielehitymnym prezidentam i zaklikaŭ sudzić jaho jak «vajennaha złačyncu i złodzieja». U svaich pastach u telehramie Ramiasło rastłumačyŭ, čamu rasčaravaŭsia ŭ dziejnaj uładzie Rasii, piša The Moscow Times.
Ilja Ramiasło pieraličyŭ šeść asnoŭnych pryčyn niezadavolenaści: vajna z Ukrainaj, cenzura ŭ ŚMI i internecie, biaźmiežny termin prezidenctva, niepavaha da hramadzian, imknieńnie da raskošy i nievykanańnie abiacańniaŭ.
Asabliva Ramiasło čamuści aburyła, što Pucin u 2017 hodzie abiacaŭ nie iści kitajskim šlacham, ale słova nie strymaŭ.
Błohier zajaviŭ, što Pucin moh palepšyć žyćcio ludziej, ale vybraŭ šlach asabistaha ŭzbahačeńnia i svaich siabroŭ. Raniej Ilja Ramiasło ŭmierana krytykavaŭ palityku Pucina i paźbiahaŭ adkrytych napadaŭ, ale ciapier ličyć, što stabilnaści ŭ krainie niama: častyja ataki dronaŭ i abmiežavańni ŭ internecie.
Jon taksama abvinavaciŭ kiraŭnictva administracyi prezidenta, u pryvatnaści pieršaha namieśnika jaje kiraŭnika Siarhieja Kiryjenku, u arhanizacyi dyskredytacyi apazicyi. Ramiasło pastaviŭ pad sumnieŭ karyść dla rasijan ad akupavanych terytoryj Ukrainy, adznačyŭšy, što jany abciažaranyja vialikimi vydatkami na adnaŭleńnie.
Błohier paćvierdziŭ, što supracoŭničaŭ z administracyjaj prezidenta i mieŭ ź joj finansavyja adnosiny, ale šmat prapanavanych im idej nie byli realizavanyja tak, jak jon prapanoŭvaŭ. Jon adznačyŭ, što hatovy da lubych nastupstvaŭ svaich vykazvańniaŭ, u tym liku suda, i spadziajecca, što jany dakažuć Pucinu iścinu.
Jurysty adznačajuć, što pasty Ramiasło składzienyja akuratna i nie ŭtrymlivajuć pramych zaklikaŭ, ale mohuć stać padstavaj dla pryznańnia jaho zamiežnym ahientam.
Ramiasło viadomy jak błohier, «juryst» i «śledčy», jaki jašče da vajny nabraŭ viadomaść dziakujučy baraćbie z Alaksiejem Navalnym. Jon nieadnarazova składaŭ danosy na rasijskuju apazicyju i ŭdzielničaŭ u sudovych spravach suprać błohieraŭ i publicystaŭ, uklučajučy spravu pra achviaravańni dla kampanii Navalnaha 2017 hoda.
Rasijskija vajenkary zajaŭlajuć, što straty dasiahnuli nieprymalnaha ŭzroŭniu. «Čakaje nas remiejk vosieni 2022 hoda»
Rasijski kambat pasvaryŭsia z načalnikam i prapaŭ nazaŭsiody. Toj urešcie pryznaŭsia ŭ zabojstvie — ale paśla rasstralali i jaho
Z-błohier pryznaŭsia, jak ukraincam udałosia źniščyć rasijskuju padłodku koštam paŭmiljarda dalaraŭ
«Žyćciovy cykł šturmavika — 12 dzion». Z-błohier ščyra pryznaŭsia, čamu nie padpisvaje kantrakt ź Minabarony
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ15
Kamientary
Putin v diekabrie 2021 hoda: "Nie my komu-to uhrožajem";
Putin v fievrale 2022 hoda: "My otricajem płany eskałacii".
I tak vpłoť do 24 fievrala 2022 hoda.
Na kakom etapie čto-to pošło nie tak?