Z-błohier pryznaŭsia, jak ukraincam udałosia źniščyć rasijskuju padłodku koštam paŭmiljarda dalaraŭ
Aŭtar Z-kanała Romanov Łajt adreahavaŭ na ŭkrainski ŭdar pa rasijskaj padvodnaj łodcy ŭ porcie Novarasijska, naniesieny 15 śniežnia. Pry hetym jon padaŭ fakty, jakija, na jahonuju dumku, pradvyznačyli pośpiech hetaj apieracyi.
Sa słoŭ vajenkara, na budynku štaba ŭ porcie stajała kamiera, da jakoj niejkim čynam atrymaŭ dostup praciŭnik.
«Na čyj zahad hetu kamieru padklučyli da sieciva, u toj čas jak sistema pavinna pracavać tolki «na pravadach?» — zadajecca jon pytańniem.
U porcie byli, jak jon śćviardžaje, pastaŭlenyja bonavyja aharodžy, jakija častkova zdymajucca ŭ momant zachodu ci vychadu sudnaŭ. Ukrainski padvodny dron nibyta prosta čakaŭ momantu i prajšoŭ u momant takoha źniaćcia.
Na hetym miescy, sa słoŭ Romanov Łajt, ustanoŭleny dobry hidraakustyčny kompleks, jaki moh by adyhrać svaju rolu ŭ abaronie padvodnaj łodki. Ale dobrych śpiecyjalistaŭ pa pracy ź im nibyta niama, bo ich adpravili na vajnu.
«Chto daŭ takoje rasparadžeńnie? Toj samy, chto pieravioŭ kamieru ŭ anłajn?», — pytajecca jon.
Raniej siońnia stała viadoma, što Słužba biaśpieki Ukrainy praviała čarhovuju niestandartnuju śpiecapieracyju i naniesła ŭdar pa rasijskich siłach u porcie Novarasijska. Upieršyniu ŭ historyi ŭkrainskija padvodnyja drony Sub Sea Baby padarvali padvodnuju łodku RF prajekta 636.3 «Varšavianka» (pavodle kłasifikacyi NATA — Kilo). Košt takoj padvodnaj łodki aceńvajecca prykładna na 400 miljonaŭ dalaraŭ ZŠA.
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary
Ci vy taksama jak Babaryka baiciesia abrazić Rasiju?