Z-блогер прызнаўся, як украінцам удалося знішчыць расійскую падлодку коштам паўмільярда даляраў
Аўтар Z-канала Romanov Лайт адрэагаваў на ўкраінскі ўдар па расійскай падводнай лодцы ў порце Новарасійска, нанесены 15 снежня. Пры гэтым ён падаў факты, якія, на ягоную думку, прадвызначылі поспех гэтай аперацыі.
Са слоў ваенкара, на будынку штаба ў порце стаяла камера, да якой нейкім чынам атрымаў доступ праціўнік.
«На чый загад гэту камеру падключылі да сеціва, у той час як сістэма павінна працаваць толькі «на правадах?» — задаецца ён пытаннем.
У порце былі, як ён сцвярджае, пастаўленыя бонавыя агароджы, якія часткова здымаюцца ў момант заходу ці выхаду суднаў. Украінскі падводны дрон нібыта проста чакаў моманту і прайшоў у момант такога зняцця.
На гэтым месцы, са слоў Romanov Лайт, устаноўлены добры гідраакустычны комплекс, які мог бы адыграць сваю ролю ў абароне падводнай лодкі. Але добрых спецыялістаў па працы з ім нібыта няма, бо іх адправілі на вайну.
«Хто даў такое распараджэнне? Той самы, хто перавёў камеру ў анлайн?», — пытаецца ён.
Раней сёння стала вядома, што Служба бяспекі Украіны правяла чарговую нестандартную спецаперацыю і нанесла ўдар па расійскіх сілах у порце Новарасійска. Упершыню ў гісторыі ўкраінскія падводныя дроны Sub Sea Baby падарвалі падводную лодку РФ праекта 636.3 «Варшавянка» (паводле класіфікацыі НАТА — Kilo). Кошт такой падводнай лодкі ацэньваецца прыкладна на 400 мільёнаў даляраў ЗША.
Цяпер чытаюць
«Набліжаецца момант пералому сітуацыі». Вадзім Кабанчук пра план для беларусаў4
«Набліжаецца момант пералому сітуацыі». Вадзім Кабанчук пра план для беларусаў
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1616
Каментары
Ці вы таксама як Бабарыка баіцеся абразіць Расію?