Błakiroŭki internetu i zapavolvańnie miesiendžaraŭ u Rasii spravakavali chvalu cikavaści da rełakacyi ŭ Biełaruś. U sacsietkach usio čaściej abmiarkoŭvajuć Minsk, dzie pracujuć usie sacsietki, dastupnyja jeŭrapiejskija brendy, a ceny na žyllo ŭ razy nižejšyja za maskoŭskija.
Praź pieraboi z suviaźziu i internetam niekatoryja rasijanie zadumalisia pra pierajezd u Biełaruś. «' FM» pahavaryŭ z rasijanami, jakija razhladajuć pierajezd u Biełaruś:
Dźmitryj:
«Ja nie zhodny ź ciapierašniaj palitykaj błakirovak. Chočacca pierajechać kudyści bližej, kab zastavałasia mahčymaść źviazvacca sa svajakami. U hetym płanie Biełaruś padychodzić: adtul da Rasii i nazad lohka dabracca.
Siarod plusaŭ — padobny mientalitet. Ja ŭžo pahladzieŭ, jak pierajechać pa dakumientach, vyvučyŭ ceny na kvatery i zarobki, u cełym razumieju situacyju».
Arciemij:
«Maja praca źviazanaja ź internetam, tamu, kali ŭ Rasii buduć prablemy z suviaźziu, pryjdziecca realna zadumacca pra pierajezd. U mianie jość znajomy, jaki šmat hadoŭ žyvie ŭ Biełarusi, i jon adhukajecca tolki stanoŭča: kaža, što na vulicach čysta, klimat miakčejšy, čym na Urale i ŭ Sibiry, i niama abmiežavańniaŭ u internecie».
Kanał «Ostorožno, novosti!» vyvučyŭ sacścietki na hety kont. Kanał davodzić, što rasijanie «masava abmiarkoŭvajuć pierajezd u Biełaruś».
Siarod plusaŭ adznačajuć internet biez «biełych śpisaŭ», umieranyja ceny, u tym liku na žyllo, mahčymaść płacić rasijskaj kartkaj, padobny mientalitet i movu.
U toj ža čas kanał adznačaje, što nie ŭsie biełarusy radyja hetaj pierśpiektyvie. Biełarusy pišuć, što rasijan u krainie nie čakajuć, bo niekatoryja turysty «pavodziać siabie niepryhoža»: sprabujuć raspłačvacca rasijskimi rublami, parkujucca na hazonach, nie vykonvajuć PDR.
Inšyja prosiać rasijan pavažać krainu, u jakuju tyja źbirajucca pierajechać, i pravilna pisać jaje nazvu.
«My nie prydatak Rasii. Chočam, kab nam nie naviazvali svajo mierkavańnie i nie hrubili. Kali vy zmožacie pavažać našu krainu i našych ludziej, tady vas sustrenuć ciopła», — pišuć biełarusy.
Niekatoryja ź ich taksama bajacca, što žychary RF pryviazuć z saboj kulturnyja nastupstvy nakštałt śpievaka SHAMAN.
Taksama biełarusy pužajuć rasijan minusami: prablemy z pracaŭładkavańniem i vakansijami, nizkija zarobki, mała zabaŭ, nizki ŭzrovień servisu i mienš śviatočnych dzion.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary