Za minuły hod kvatery ŭ damach, pabudavanych paśla 2010 hoda, padaraželi na 26%.
Za 2025 hod było zaklučana 15,1 tysiačy ździełak — heta sastupaje rekordnym vynikam 2023—2024 hadoŭ. Pik pakupnickaj aktyŭnaści prypaŭ na kastryčnik, kali zarehistravali 1 471 ździełku kupli-prodažu, paviedamlaje BiełTA.
«Siaredni košt kvadratnaha mietra na druhasnym rynku pavialičyŭsia na 23%. Pry hetym najbolš aktyŭna daražeŭ sučasny žyły fond (damy, uźviedzienyja paśla 2010 hoda), dadaŭšy ŭ canie 26%»,
— adznačyła Vieranika Sałaŭjova, načalnik upraŭleńnia acenki Nacyjanalnaha kadastravaha ahienctva Dziaržkammajomaści.
Što budzie ŭ hetym hodzie, zaležyć ad dvuch klučavych faktaraŭ: dynamiki valutnych kursaŭ i ŭmoŭ kredytavańnia. Vieranika Sałaŭjova prahnazuje, što ŭ pieršym paŭhodździ nas čakaje faza aściarožnaha achaładžeńnia.
«Tempy prodažaŭ jak u pieršasnym, tak i ŭ druhasnym siektary pačnuć zapavolvacca, što niepaźbiežna pryviadzie da stabilizacyi cen. Na druhasnym rynku hety praces padtrymajuć pradaŭcy, hatovyja na sastupki dziela apieratyŭnaj ździełki. Zabudoŭščyki ž, u svaju čarhu, buduć čaściej źviartacca da akcyjnych prapanoŭ i strymlivać košt kvadratnaha mietra ŭ novych prajektach».
Adnak raźličvać na abvał cen nie varta — značnaha padzieńnia nie pradbačycca. Pryčym na novabudoŭli vysokaja cana pratrymajecca daŭžej, čym na druhasnaje žyllo — praz deficyt kvater z aptymalnym spałučeńniem cany, płoščy, łakacyi i ŭmoŭ prahram kredytavańnia.
Ciapier čytajuć
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč33
Kamientary
Dniami Saŭbielija apublikavała źviestki Dziaržkammajomaści pa kolkaść ŭhodaŭ z kvaterami ŭ Minsku. U studzieni ich było 720 u lutym 907. Lutaŭski pakazčyk hetaha hoda na čverć nižejšy za pakazčyk lutaha ŭ 2025 h. i ŭ paŭtara raza mienšy za ličby anałahičnaha pieryjadu 2024 h.
Istotnaje zapavolvańnie rynku vidavočna sihnalizuje, što biełarusy nie hatovyja aktyŭna nabyvać žytło pa ciapierašnich cenach. Uvohule u reełtarskim asiarodku isnuje kansensusnaje mierkavańnie pra toje, što ŭtrymańnie kolkaści ździełak ciaham niekalkich miesiacaŭ nižej za 1000 sihnalizuje pra razvarot rynku i majučaje adbycca źnižeńnie cen.
Rynak buduć abvalvać nie tolki ułaśniki druhasnaha žytła, jakija ŭ pieramovach skidvaćmuć košty, nie žadajučy miesiacami čakać pakupnika na svaju kvateru, ale j zabudoŭščyki pad markaj roznych "akcyj", bo biźniesu vyhadniej pradać za miesiac dźvie kvatery pa canie 1500$/ kvadrat, čym za toj ža miesiac adnu kvateru pa 2000$/ kvadrat (dla biźniesu krajnie važnaja chutkaść abarotu kapitału).
Pa sakrecie vam skažu, što ŭžo zaraz u "Zialenaj havani" A 100 možna znajści novyja kvatery pa 1400$/ kvadrat.
Tak što abdzirajcie svaich kvartyrantaŭ da nitki, pakul jość takaja mahčymaść, ale nie treba viarezić tut łuchtu pra 3000-4000$/ kvadrat.